ନୟାଗଡ ଅଫିସ/ଖଣ୍ଡପଡା,୪ା୪(ସ୍ୱ.ପ୍ର):ପୂର୍ବ ଶତ୍ରୁତାକୁ କେନ୍ଦ୍ର କରି ନୟାଗଡ ଜିଲା ଖଣ୍ଡପଡା ଥାନାର ବଡବୋଦସା ଗ୍ରାମରେ ଗୁରୁବାର ରାତିରେ ଗୋଷ୍ଠୀ ସଂଘର୍ଷ ହୋଇଛି । ଏଥିରେ ଉଭୟ ପକ୍ଷର ୫ଜଣ ସାମାନ୍ୟ ଆହତ ହୋଇଛନ୍ତି । ଉଭୟଙ୍କ ପକ୍ଷରୁ ଶୁକ୍ରବାର ଖଣ୍ଡପଡା ଥାନାରେ ଲିଖିତ ଅଭିଯୋଗ ହେବା ପରେ ପୋଲିସ ୧୧ଜଣଙ୍କ ନାଁରେ ମାମଲା ରୁଜୁ କରିଛି । ପ୍ରାପ୍ତ ସୂଚନା ଅନୁସାରେ ବଡବୋଦସା ଗ୍ରାମର ଭଗବାନ ବାରିକଙ୍କ ପରିବାରର ସଦସ୍ୟମାନଙ୍କୁ ସ୍ଥାନୀୟ ଅଞ୍ଚଳର କେତେକ ବ୍ୟକ୍ତି ପୂର୍ବ ଶତ୍ରୁତାକୁ ନେଇ ମରଣାନ୍ତକ ଆକ୍ରମଣ କରିଥିଲେ । ଭଗବାନଙ୍କ ଲିଖିତ ଅଭିଯୋଗକ୍ରମେ ପୋଲିସ ପ୍ରତାପ ଖୁଣ୍ଟିିଆ, କାଠିଆ ଖୁଣ୍ଟିିଆ, ଅନନ୍ତ ଖୁଣ୍ଟିିଆ, ସ୍ୱପ୍ନେଶ୍ୱର ଖୁଣ୍ଟିିଆ, କାର୍ତିକ ପଢିଆରୀ, ସୁମନ୍ତ ପଢିଆରୀ ପ୍ରମୁଖ ୬ଜଣଙ୍କ ନାମରେ ୯୬/୨୦ରେ ମାମଲା ରୁଜୁ କରିଥିଲା । ଅନାମ ଚରଣ ଖୁଣ୍ଟିଆଙ୍କ ପାଲଟା ଅଭିଯୋଗ କ୍ରମେ ପୋଲିସ ଭଗବାନ ବାରିକ, ସନ୍ତୋଷ ବାରିକ, ଲିଟୁ ବାରିକ, ନବେଇ ବାରିକ, ପ୍ରମିଳା ବାରିକ ପ୍ରମୁଖ ୫ଜଣଙ୍କ ନାମରେ ୯୭/୨୦ରେ ମାମଲା ରୁଜୁ କରି ଘଟଣାର ତଦନ୍ତ କରିଛି । ତେବେ କାହାରିକୁ ଗିରଫ କରି ପାରି ନାହିଁ ।
