କେନ୍ଦୁଝର,୨୧।୩-ସମାଜରେ ଆଧ୍ୟାତ୍ମିକ ଭାବନା ସୃଷ୍ଟି କରିବା ସହ କିଛି ରୋଜଗାର କରି ପେଟ ପୋଷିବା ଲାଗି ମହିଳାମାନେ ଆଗଭର ହୋଇ ପାଲା, ସଙ୍କୀତ୍ତର୍ର୍ନ ଭଳି କାର୍ଯ୍ୟକୁ ଆଦରି ନେଉଛନ୍ତି। କଳା ସଂସ୍କୃତିର ପ୍ରଚାର ଲକ୍ଷ୍ୟ ନେଇ ବର୍ଷେ ତଳେ କେନ୍ଦୁଝର ଜିଲା ତେଲକୋଇ ବ୍ଲକ ଦୋବଲାପାଳ ଗାଁରେ ଗଢି ଉଠିଥିବା ମା’ କାଳୀ ମହିଳା ସଙ୍କୀତ୍ତର୍ର୍ନ ମଣ୍ଡଳୀ ନିଜ ଅଞ୍ଚଳରେ ଏଥିଲାଗି ସୁନାମ ଅର୍ଜନ କରିପାରିଛନ୍ତି। ଏହି ମଣ୍ଡଳୀରେ ମୋଟ ୨୬ ମହିଳା ସଦସ୍ୟା ରହିଛନ୍ତି। ସେମାନଙ୍କ ସାଥିରେ ବାଦ୍ୟ ବଜାଇବା ସହ ତାଳ ଧରିବାକୁ ୨ରୁ ୩ ଜଣ ପୁରୁଷ ସଦସ୍ୟ ଅଛନ୍ତି ା ଖୋଳ ବାଦ୍ୟ ବଜାଉଥିବାରୁ ସେମାନଙ୍କୁ ଖୋଳିଆ ଓ ତାଳଧରୁଥିବାରୁ ତାଳୁଆ ସ୍ଥାନୀୟ ଭାଷାରେ କୁହାଯାଏ। ଏହି ସଂଗଠନର ସଦସ୍ୟାମାନେ ବିଭିନ୍ନ ସ୍ଥାନକୁ ଯାଇ ନାମଯଜ୍ଞ, ବ୍ରତ, ପୁନେଇ ପରବ ଆଦି ଆଧ୍ୟାତ୍ମିିକ ଓ ସାଂସ୍କୃତିକ କାର୍ଯ୍ୟକ୍ରମରେ ଯୋଗଦେଇ ‘ହରେ କୃଷ୍ଣ ହରେ ରାମ’ ଆଦି ନାମ ଜପି ସଙ୍କୀର୍ତ୍ତନ କରିବା ସହ ନୃତ୍ୟ ପରିବେଷଣ କରିଥାନ୍ତି ା ଭାବାବେଗ ହୋଇ ଭଗବାନଙ୍କ ନାମ ସ୍ମରଣ କରି ସେମାନେ ସମସ୍ତଙ୍କୁ ଭକ୍ତି ଭାବରେ ବାନ୍ଧି ରଖିିଥାନ୍ତି।
ସଂଗଠନର କେତେକ ସଦସ୍ୟା କହିଛନ୍ତି, ସେମାନେ ଆଗରୁ ସଙ୍କୀର୍ତ୍ତନ ଲାଗି ଗାଁରେ ଅଭ୍ୟାସ କରିଥାନ୍ତି ା ସବୁଦିନ ଭାଗବତ ପାଠ ପଢାଯିବା ପରେ ନାମ ସଙ୍କୀର୍ତ୍ତନ କରାଯାଇଥାଏ ା ଗାଁ ଦାଣ୍ଡରେ ସେମାନେ ଅଭ୍ୟାସ କାର୍ଯ୍ୟ କରିଥାନ୍ତି ବୋଲି ପୁଷ୍ପଲତା ସାହୁ ନାମ୍ନୀ ଜଣେ ଜଣେ ସଦସ୍ୟା କହିଛନ୍ତି। ସେ ଭୁବନେଶ୍ୱରରେ ରହୁଥିଲେ ମଧ୍ୟ ସଙ୍କୀର୍ତ୍ତନ ପାଇଁ ବରାଦ ଆସିଲେ ଗାଁକୁ ଆସି ଏଥିରେ ସାମିଲ ହୋଇଥାନ୍ତି ା ଏହି ମଣ୍ଡଳୀର ସଦସ୍ୟାମାନେ ସରକାରୀ ଓ ଘରୋଇ ଚାକିରି କରିବା ସାଙ୍ଗକୁ ଚାଷବାସ କାମ କରୁଛନ୍ତି । ସେମାନଙ୍କ କହିବା କଥା ହେଲା, ଏ ଅଞ୍ଚଳରେ ପ୍ରତ୍ୟେକ ଗ୍ରାମରେ ପ୍ରାୟ ଅଷ୍ଟପ୍ରହର ନାମଯଜ୍ଞ ହୋଇଥାଏ ା ବହୁ ଆଗରୁ ଏହି ପରମ୍ପରା ପାଳିତ ହୋଇଆସୁଛି ା ଏହି ନାମଯଜ୍ଞ କଲେ ଗ୍ରାମବାସୀଙ୍କ ମଙ୍ଗଳ ହେବା ସହ ବର୍ଷା ହୋଇ ଭଲ ଚାଷ କାର୍ଯ୍ୟ ହୋଇଥାଏ ବୋଲି ଲୋକେ ବିଶ୍ୱାସ କରନ୍ତି। ଆଗରୁ ପୁରୁଷମାନେ ନାମଯଜ୍ଞରେ ସାମିଲ ହେଉଥିଲେ। ଏବେ ମହିଳାମାନେ ସଂଗଠିତ ହୋଇ ଏଭଳି କାର୍ଯ୍ୟ କରୁଥିବାରୁ ସେମାନଙ୍କ ଆଦୃତି ବଢିଛି। ବିଭନ୍ନ ସମୟରେ ସେମାନଙ୍କୁ ଅଷ୍ଟପ୍ରହର ନାମଯଜ୍ଞରେ ଯୋଗଦେବା ଲାଗି ନିମନ୍ତ୍ରଣ ମିଳୁଥିବା ସଦସ୍ୟା କଳାକାର ଅନୀତା ପ୍ରଧାନ କହିଛନ୍ତି ା ନାମ ସଙ୍କୀର୍ତ୍ତନରୁ ନିର୍ମଳ ଆନନ୍ଦ ମିଳିଥାଏ ବୋଲି କହିଛନ୍ତି ସଦସ୍ୟା ସୁକାନ୍ତି ପ୍ରଧାନ । ହାତରେ କୁବୁଜି ଧରି ଦେବଦେବୀଙ୍କ ଚାରିପାଖରେ ବୁଲି ଅବିରାମ ନୃତ୍ୟକରି ନାମ ସଙ୍କୀର୍ତ୍ତନ କରିବା ବହୁ କଷ୍ଟସାଧ୍ୟ କାର୍ଯ୍ୟ। ମହିଳାମାନେ ପୁରୁଷଙ୍କ ଭଳି ଅଭ୍ୟାସ କରି ଏହି କାର୍ଯ୍ୟ କରି ପାରୁଛନ୍ତି। ସେମାନଙ୍କ ନାମସଙ୍କୀର୍ତ୍ତନ ଦର୍ଶକ ଓ ସ୍ରୋତାଙ୍କୁ ବାନ୍ଧି ରଖିପାରୁଛି ବୋଲି ସ୍ଥାନୀୟ ରାସପୂଜା କମିଟି ସମ୍ପାଦକ ଧୀରେନ୍ଦ୍ର ରାଉତ କହିଛନ୍ତି। ସମ୍ପ୍ରତି ତେଲକୋଇ ବ୍ଲକରେ ଏଭଳି ଆହୁରି ଅନେକ ମହିଳା ସଙ୍କୀର୍ତ୍ତନ ମଣ୍ଡଳୀ ଗଢି ଉଠିଥିବା ସୂଚନା ମିଳିଛି।