ଭୁବନେଶ୍ୱର, ୨୭।୫(ବ୍ୟୁରୋ): ମଧ୍ୟାହ୍ନଭୋଜନ ପାଇଁ ରାଜ୍ୟ ସରକାର ମଙ୍ଗଳବାର ଦର ବୃଦ୍ଧି କରିଛନ୍ତି। ପ୍ରାଥମିକ ସ୍କୁଲ ଛାତ୍ରୀଛାତ୍ରଙ୍କ ମଧ୍ୟାହ୍ନଭୋଜନ ପାଇଁ ଜଣ ପିଛା ରାଶନ ବାବଦକୁ ୪ ଟଙ୍କା ୯୩ ପଇସା ରଖିଥିଲେ। ହେଲେ ଏହାକୁ ସରକାର ୫ ଟଙ୍କା ୪୨ପଇସା କରିଛନ୍ତି। ସେହିପରି ଉଚ୍ଚ ପ୍ରାଥମିକ ବିଦ୍ୟାଳୟର ପିଲାଙ୍କ ମଧ୍ୟାହ୍ନଭୋଜନ ଲାଗି ବ୍ୟବହୃତ ରାଶନ ବାବଦକୁ ଜଣ ପିଛା ୭ ଟଙ୍କା ୩୬ପଇସା ରହିଥିଲା ବେଳେ ଏହା ମଧ୍ୟ ୮ଟଙ୍କା ୧୦ପଇସାକୁ ବୃଦ୍ଧି କରାଯାଇଛି। ବର୍ତ୍ତମାନ ସ୍ଥିତିରେ ବଜାର ଦର, ପନିପରିବା ମୂଲ୍ୟ ବୃଦ୍ଧି ପାଇବାରେ ଲାଗିଛି। ତେଣୁ ଏହି ଦୃଷ୍ଟିରୁ ଜଣେ ପିଲା ପାଇଁ ମଧ୍ୟାହ୍ନଭୋଜନ ଲାଗି ଯେତିକି ଖର୍ଚ୍ଚ ହେଉଛି ଦେଖିଲେ ଜଣେ ପ୍ରାଥମିକ ପିଲା ପାଇଁ ରାଶନ ବାବଦକୁ ୫ଟଙ୍କା ୪୨ପଇସା ଏବଂ ଉଚ୍ଚ ପ୍ରାଥମିକ ବିଦ୍ୟାଳୟ ପାଇଁ ୮ଟଙ୍କା୧୦ପଇସା ଆନୁମାନିକ ପଡ଼ିଯାଉଛି। ତେଣୁ ଏହାକୁ ଦୃଷ୍ଟିରେ ରଖି କର୍ତ୍ତପକ୍ଷ ଗୁରୁତର ସହ ବିଚାର କରିବା ପରେ ମଧ୍ୟାହ୍ନଭୋଜନ ଦର ପାଇଁ ଅର୍ଥ ବଢ଼ାଯାଇଥିବା ନୋଡାଲ ଅଫିସର ଗଙ୍ଗାଧର ସାହୁ ସମସ୍ତ ଜିଲାପାଳଙ୍କୁ ଚିଠି ଲେଖି ଜଣାଇଛନ୍ତିି। ୨୦୨୦-୨୧ ଆର୍ଥିକ ବର୍ଷ ପାଇଁ ସରକାର ଏହି ନିଷ୍ପତ୍ତି ନେଇଥିବା ବେଳେ ଏହା ପିଛିଲା ଭାବେ ଏପ୍ରିଲ ୧ ତାରିଖରୁ ହିସାବ କରାଯିବ ବୋଲି ଚିଠିରେ ଦର୍ଶାଯାଇଛି।