ଲକ୍ଷ୍ନୌ,୧୮।୧୧: ଆହ୍ଲାବାଦ, ବନାରସ ଓ ଫୈଜାବାଦ ପରେ ଏବେ ଆଗ୍ରାର ନାମ ପରିବର୍ତ୍ତନ କରିବା ପାଇଁ ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥଙ୍କ ସରକାର ପ୍ରସ୍ତୁତି ଚଳାଇଛନ୍ତି। ଆଗ୍ରାର ନାମକୁ ପରିବର୍ତ୍ତନ କରାଯାଇ ଏହାକୁ ଅଗ୍ରବନ ନାମରେ ନାମିତ କରାଯିବ ବୋଲି ସୋମବାର ସୂଚନା ମିଳିଛି। ଏଥିପାଇଁ ଆମ୍ବେଦକର ବିଶ୍ୱବିଦ୍ୟାଳୟରୁ ସମସ୍ତ ତଥ୍ୟ ମଗାଯାଇଛି। ଏହାର ନାମ ପରିବର୍ତ୍ତନ ଲାଗି ନୂଆ ନୂଆ ନାଁର ପ୍ରସ୍ତାବ ଦେବା ପାଇଁ ବିଶ୍ୱବିଦ୍ୟାଳୟର ଇତିହାସ ବିଭାଗକୁ କୁହାଯାଇଛି। ଏଥିସହ ନାମ ସମ୍ବନ୍ଧୀୟ ଆଗ୍ରା ସମ୍ପର୍କରେ ରହିଥିବା ତଥ୍ୟ ମଧ୍ୟ ମଗାଯାଇଛି। ସୂଚନାଯୋଗ୍ୟ, ଆଗ୍ରାର ନାମ ପରିବର୍ତ୍ତନ କରି ଅଗ୍ରବନ ରଖିବାକୁ ଭାଜପାର ପୂର୍ବତନ ବିଧାୟକ ଜଗନ ପ୍ରସାଦ ଗର୍ଗ ରାଜ୍ୟ ସରକାରଙ୍କୁ ଏକ ଚିଠି ଲେଖିଥିଲେ। ତେବେ ଗତ ବର୍ଷ ତାଙ୍କ ମୃତ୍ୟୁ ହେବା ପରେ ଯୋଗୀ ସରକାର ଏହା ଉପରେ ବିଚାର କରି ଉକ୍ତ ପ୍ରସ୍ତାବର ଦାୟିତ୍ୱ ଆମ୍ବେଦକର ବିଶ୍ୱବିଦ୍ୟାଳୟକୁ ହସ୍ତାନ୍ତର କରିଛନ୍ତି।
