ନୂଆଦିଲ୍ଲୀ,୨୦।୭: କେନ୍ଦ୍ର ସରକାରଙ୍କ ସହମତିରେ ରାଷ୍ଟ୍ରପତି ରାମନାଥ କୋବିନ୍ଦ ୬ଟି ରାଜ୍ୟର ରାଜ୍ୟପାଳଙ୍କୁ ନିଯୁକ୍ତ କରିଛନ୍ତି। ଏଥିରେ ସବୁଠାରୁ ଆଗରେ ରହିଛନ୍ତି ମଧ୍ୟପ୍ରଦେଶର ରାଜ୍ୟପାଳ ଆନନ୍ଦୀବେନ ପଟେଲ। ତାଙ୍କୁ ଏବେ ଉତ୍ତରପ୍ରଦେଶର ରାଜ୍ୟପାଳ ଭାବେ ନିଯୁକ୍ତି ଦିଆଯାଇଛି। ଏହା ପୂର୍ବରୁ ଉତ୍ତରପ୍ରଦେଶରେ ରାମ ନାଇକ ରାଜ୍ୟପାଳ ପଦ ସମ୍ଭାଳୁଥିଲେ। ସେହିପରି ଲାଲ ଜି ଟଣ୍ଡନଙ୍କୁ ଆନନ୍ଦୀବେନ ପଟେଲଙ୍କ ସ୍ଥାନରେ ମଧ୍ୟପ୍ରଦେଶର ରାଜ୍ୟପାଳ ଭାବେ ନିଯୁକ୍ତ କରାଯାଇଛି। ଅପରପକ୍ଷରେ ବିହାରର ରାଜ୍ୟପାଳ ଭାବେ ଫଗୁ ଚୌହାନ ଲାଲ ଜି ଟଣ୍ଡନଙ୍କ ସ୍ଥାନ ନେବେ। ସେହିଭଳି ଜଗଦୀପ ଧନଖରଙ୍କୁ ପଶ୍ଚିମ ବଙ୍ଗ, ରମେଶ ବେସଙ୍କୁ ତ୍ରିପୁରା ଓ ଆର୍.ଏନ୍. ରବିଙ୍କୁ ନାଗାଲାଣ୍ଡ ରାଜ୍ୟପାଳ ଭାବେ ନିଯୁକ୍ତି ଦିଆଯାଇଛି।