ରାୟଗଡ଼ା ଅଫିସ,୧୩ା୫: ସରକାରଙ୍କ ଦ୍ୱାରା ଜଙ୍ଗଲଜାତ ଦ୍ରବ୍ୟର ମୂଲ୍ୟ ଏବଂ ଜଙ୍ଗଲରୁ ଉପତ୍ାଦିତ ଦ୍ରବ୍ୟର ମୂଲ୍ୟ ନିର୍ଦ୍ଧାରଣର ସଚେତନତା କରିବା ପାଇଁ ଏକ ସଚେତନ ରଥ ବୁଧବାର ଜିଲା ପରିକ୍ରମାରେ ବାହାରିଛି । ଏହାର ଉଦ୍ଦେଶ୍ୟ ହେଲା ଗ୍ରାମାଞ୍ଚଳରେ ରହୁଥିବା ଆଦିବାସୀ ଜନଜାତି ସମ୍ପ୍ରଦାୟର ଲୋକମାନେ ବିଭିନ୍ନ ଜଙ୍ଗଲଜାତ ଦ୍ରବ୍ୟ ଉତ୍ପାଦନ କରନ୍ତି। ହେଲେ ସଚେତନ ନ ଥିବାରୁ ଦଲାଲମାନଙ୍କ ଶିକାର ହୋଇ କମ୍ ଦରରେ ବଜାରରେ ବିକ୍ରି କରୁଛନ୍ତି। ତେଣୁ ଏହି ରଥ ବୁଲି ଲୋକଙ୍କୁ ବନଜାତ ଦ୍ରବ୍ୟର ସଚେତନ କରାଇବ ବୋଲି ରାୟଗଡ଼ା ଜିଲା ଟିଡିସିସି କାର୍ଯ୍ୟାଳୟର ଜିଲା ପରିଚାଳକ ଅଶୋକ କୁମାର ପାତ୍ର କହିଛନ୍ତି। ଏହି ରଥକୁ ଜିଲାପାଳ ପ୍ରମୋଦ କୁମାର ବେହେରା ଉଦ୍ଘାଟନ କରିଛନ୍ତି। ଏହି ରଥ ଗଡ଼ି ଜିଲାର ୧୧ଟି ବ୍ଲକର ଅଞ୍ଚଳବାସୀଙ୍କୁ ନିର୍ଦ୍ଧାରିତ ଦର ବିଷୟରେ ସଚେତନ କରିବ।