କେନ୍ଦୁଝର, ୨୬।୮(ସ୍ବ.ପ୍ର.): କେନ୍ଦୁଝର ଜିଲା ଆନନ୍ଦପୁର ବନ୍ୟପ୍ରାଣୀ ବନ ଖଣ୍ଡ ଅଧୀନ ଦେଓଗାଁ ରେଞ୍ଜ ଭଗାମୁଣ୍ଡା ଗ୍ରାମ ମେଡିକାଲ ନିକଟରୁ ରବିବାର ରାତିରେ ହରିଚନ୍ଦନପୁର ଓ ଭଗାମୁଣ୍ଡା ବିଟ ହାଉସ ବନବିଭାଗ ପକ୍ଷରୁ ମିଳିତ ଚଢ଼ାଉ କରାଯାଇ ଏକ ଶାଳ କାଠ ବୋଝେଇ ଅଟୋ ଜବତ କରାଯାଇଛି। ଅଟୋ ଚାଳକ ଫେରାର ହୋଇଯାଇଥିବା ଜଣାପଡ଼ିଛି। ତେବେ ଜବତ କାଠର ଆନୁମାନିକ ମୂଲ୍ୟ ୧୫ ହଜାର ଟଙ୍କା ହେବ।
କେଶଦୁରାପାଳକୁ ଅଟୋରିକ୍ସା ଯୋଗେ ଶାଳ କାଠ ଚୋରା ଚାଲାଣ ହେଉଥିବା ଖବର ମିଳିବା ପରେ ଏହି ଚଢାଉ ହୋଇଥିଲା। ତେବେ ଅଟୋ ଚାଳକ ଓ ମାଲିକ ଗିରଫ ହେବା ପରେ ଏହା ପଛରେ ଥିବା କାଠ ମାଫିଆଙ୍କ ର଼୍ୟାକେଟର ପର୍ଦ୍ଦାଫାଶ ହୋଇପରିବ ବୋଲି ଜଣାପଡ଼ିଛି।
