ସରଣ୍ଡା,୧୭।୪(ଡି.ଏନ.ଏ): ଲକ୍ ଡାଉନ୍ କଟକଣା ଯୋଗୁ ବନାରସରେ ବରଗଡ଼, ସମ୍ବଲପୁର, ଢ଼େଙ୍କାନାଳ ଅଞ୍ଚଳର ସମୁଦାୟ ୪୩ଜଣ ତୀର୍ଥଯାତ୍ରୀ ଫସି ରହିଥିଲେ । ତେବେ ଗୁରୁବାର ରାତ୍ରିରେ ସେମାନେ ଏକ ବସ୍ ଯୋଗେ ଅତାବିରା ପହଞ୍ଚିଥିଲେ । ସେମାନେ ଏଠାକୁ ପହଞ୍ଚିବା ପରେ ପ୍ରଶାସନ ପକ୍ଷରୁ ସେମାନଙ୍କୁ ଅତାବିରାସ୍ଥିତ ଆନନ୍ଦ ମଣ୍ଡପରେ କ୍ବାରାଣ୍ଟାଇନରେ ରଖାଯାଇଛି । ସେମାନଙ୍କ ମଧ୍ୟରେ ୧୯ଜଣ ପୁରୁଷ ଏବଂ ୨୪ଜଣ ମହିଳା ହୋଇଥିବାବେଳେ ଅତାବିରା ବ୍ଲକର ୨୨, ବରଗଡ଼ ବ୍ଲକର ୧୧, ଭେଡ଼େନ ବ୍ଲକର ୭, ଢ଼େଙ୍କାନାଳର ଜଣେ ଏବଂ ସମ୍ବଲପୁରର ୨ଜଣ ଅଛନ୍ତି । ଏମାନଙ୍କ ପାଇଁ ଖାଇବା ପିଇବା ଆଦି ସୁବିଧା କରାଯାଇଛି ବୋଲି ଅତାବିରା ତହସିଲଦାର ହୃଦାନନ୍ଦ ଅଡ଼ା କହିଛନ୍ତି ।
