କେନ୍ଦୁଝର/ ଘଟଗଁ। , ୧୫ା୨(ସ୍ବ.ପ୍ର./ଡି.ଏନ୍.ଏ.)- କେନ୍ଦୁଝର ଜିଲା ଘଟଗାଁ ରେଞ୍ଜ ଅନ୍ତର୍ଗତ ଦେଓବନ୍ଧ ସେକସନ୍ ଅଧୀନସ୍ଥ ଆଡକଟା ଜଙ୍ଗଲରେ ବନୀକରଣରେ ଅନିୟମିତତା ଘଟଣାରେ ବନବିଭାଗ କାର୍ଯ୍ୟାନୁଷ୍ଠାନ ଗ୍ରହଣ କରିଛି। ଦେଓବନ୍ଧ ଫରେଷ୍ଟର ମୋହିନୀ ମହାନ୍ତ ଓ ଫରେଷ୍ଟ ଗାର୍ଡ ସାଗରିକା ବେଜଙ୍କୁ କାର୍ଯ୍ୟରୁ ନିଲମ୍ବନ କରାଯାଇଛି। ଏ ସମ୍ପର୍କରେ ଡିଏଫଓ ସନ୍ତୋଷ ଯୋଶୀ ସୂଚନା ଦେଇଛନ୍ତି ।
ପ୍ରକାଶ ଯେ, ୨୦ ନମ୍ବର ଜାତୀୟ ରାଜପଥ ସଂପ୍ରସାରଣ ସମୟରେ ବହୁ ସଂଖ୍ୟାରେ ମୂଲ୍ୟବାନ ଗଛ କଟାଯାଇଥିଲା ା ଏହାର ଭରଣା ଲାଗି ଏନଏଚଏଆଇ ଓ ବନ ବିଭାଗ ମଧ୍ୟରେ ଚୁକ୍ତି ହୋଇ ବନୀକରଣ କରାଯାଇଥିଲା ା ଏନଏଚଏଆଇ ଏହି ବନୀକରଣ ବାବଦକୁ ଅର୍ଥ ଖର୍ଚ୍ଚ କରିଥିଲା ା ଏହି ଅର୍ଥରେ ଘଟଗାଁ ରେଞ୍ଜ ବାରବାଙ୍କ ଜଙ୍ଗଲରେ ଦେଢ ଲକ୍ଷ ନୂତନ ଗଛ ଲଗାଯାଇଥିବା ସୂଚନାଫଳକରେ ଉଲ୍ଲେଖ କରାଯାଇଛି। ୨୦୧୯-୨୦ ଆର୍ଥିକ ବର୍ଷରେ ୫୦୧.୬୦ ହେକ୍ଟର ପରିମିତ ଜଙ୍ଗଲରେ ଏହି ବନୀକରଣ କରାଯାଇଥିଲା ା ତେବେ ଯେତିକି ସଂଖ୍ୟାରେ ଗଛ ଲଗାଯିବା କଥା ତା’ଠାରୁ କମ ଗଛ ଲଗାଯାଇଥିବା ନେଇ ବନ ବିଭାଗ ନିକଟରେ ସ୍ଥାନୀୟ ଲୋକେ ଅଭିଯୋଗ କରିଥିଲେ ା ଅଭିଯୋଗ ପାଇବା ପରେ କେନ୍ଦୁଝର ଡିଏଫଓ ଏହାର ତଦନ୍ତ ଲାଗି ଏସିଏଫଙ୍କୁ ଆଦେଶ ଦେଇଥିଲେ ା ତେବେ ତଦନ୍ତ ବେଳେ ଅନିୟମିତତା ହୋଇଥିବା ଜଣାପଡିବାରୁ ଡିଏଫଓ ଦୁଇ କର୍ମଚାରୀଙ୍କୁ ନିଲମ୍ବନ କରିଛନ୍ତି ଓ ଏଥିନେଇ ଅଧିକ ତଦନ୍ତ ଚାଲିଥିବା କହିଛନ୍ତି ା
ଏନେଇ ଏସିଏଫ ଘନଶ୍ୟାମ ମହାନ୍ତ କହିଛନ୍ତି ଯେ, ତଦନ୍ତ ବେଳେ କମ ଗଛ ଲଗାଯାଇଥିବା ଜଣାପଡିଥିଲା ା ଏଥିସହ ସାର ଓ ପାଣି ଦେବା ପାଇଁ କାୈଣସି ଗଛ ନିକଟରେ ଗାତ ଖୋଳା ଯାଇ ନ ଥିବା, କୋଡାଖୋସା ଓ ଯତ୍ନ ଅଭାବରୁ ଅନେକ ଗଛ ମରିଯାଇଥିବା ଯାଞ୍ଚ ବେଳେ ଜଣାପଡିଥିଲା ା ତେବେ ତଦାରଖ ଦାୟିତ୍ୱରେ ଥିବା ଅନ୍ୟମାନଙ୍କ ବିରୋଧରେ ଦୃଷ୍ଟାନ୍ତ ମୂଳକ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ସ୍ଥାନୀୟ ଲୋକେ ଦାବି କରିଛନ୍ତି ା ସେହିପରି ଜିଲାର ଅନ୍ୟାନ୍ୟ ସ୍ଥାନରେ କଟା ଗଛର ଭରଣା ଲାଗି ହୋଇଥିବା ବନୀକରଣ ଗୁଡିକ ଯାଞ୍ଚ କଲେ ଅନିୟମିତତା ପଦାକୁ ଆସିବ ବୋଲି ମତ ପ୍ରକାଶ ପାଉଛି ା ସୂଚନା ଯୋଗ୍ୟ ପୂର୍ବରୁ ପାଟଣା ରେଞ୍ଜରେ ଏଭଳି ବନୀକରଣରେ ଅନିୟମିତତା ଘଟଣାରେ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଥିଲା ା