ବାଙ୍ଗିରିପୋଷି,୧୬ା୬(ଡି.ଏନ୍.ଏ.)- ‘ଗାଁକୁ ଫେରିଚାଲ’ ସାମାଜିକ ଅନୁଷ୍ଠାନ ପକ୍ଷରୁ ମୟୂରଭଞ୍ଜ ଜିଲା ବାଙ୍ଗିରିପୋଷି ବ୍ଲକ ଅଧୀନ ନିଶ୍ଚିନ୍ତା ପଞ୍ଚାୟତର ହେମଚନ୍ଦ୍ରପୁର (ଶୁଣ୍ଡିସାହି) ଗ୍ରାମରେ ବନ୍ଦେ ଉକତ୍ଳ ଜନନୀ ପ୍ରାଦେଶିକ ସଙ୍ଗୀତ ପ୍ରତିଯୋଗିତା ଅନୁଷ୍ଠିତ ହୋଇଯାଇଛି। ସଂଗଠକ ନବ କୁମାର ମାଇତିଙ୍କ ପ୍ରଚେଷ୍ଠାରେ ଅନୁଷ୍ଠିତ ପ୍ରତିଯୋଗିତାରେ ବିଭିନ୍ନ ପଞ୍ଚାୟତରୁ ଛାତ୍ରୀଛାତ୍ରମାନେ ଅଂଶଗ୍ରହଣ କରିଥିଲେ। ଅବସର ପ୍ରାପ୍ତ ବ୍ୟାଙ୍କ ମ୍ୟାନେଜର ବିନୟ କୁମାର ସିଂ, ସତ୍ୟବ୍ରତ ପ୍ରହରାଜ, ଡା.ପବିତ୍ର କୁମାର ମାଇତି, କଳାକାର ସଂଗ୍ରାମ କେଶରୀ ନାଏକ ଏବଂ କଣ୍ଠଶିଳ୍ପୀ ସମରାୟ ମୁର୍ମୁ ପ୍ରମୁଖ ସଙ୍ଗୀତ ପରିଚାଳନା ଓ ମୂଲ୍ୟାୟନ କରିଥିଲେ। ଏହି ପ୍ରତିଯୋଗିତାରେ କୁମାରୀ ସୁକାନ୍ତି ହେମ୍ବ୍ରମ ୧ମ, ସୋନାକ୍ଷୀ ପ୍ରହରାଜ ୨ୟ ଏବଂ ଯୁଗଳ ପ୍ରତିଦ୍ୱନ୍ଦୀ ଭାବେ ସାଇ ପ୍ରକାଶ ମାଇତି, କୁମାରୀ ଚମ୍ପାବତୀ ମାରାଣ୍ଡିଙ୍କୁ ଉପଢ଼ୌକନ ଓ ମାନପତ୍ର ପ୍ରଦାନ କରାଯାଇଥିଲା। ଅନୁଷ୍ଠାନର ସଭାପତି ବିନୟ ସିଂ ପ୍ରାରମ୍ଭରେ ପ୍ରତିଯୋଗିତାର ଉଦ୍ଦେଶ୍ୟ ବିଷୟରେ ବକ୍ତବ୍ୟ ରଖିଥିଲେ।
