କର୍ଲାମୁଣ୍ଡା,୩୦।୫ (ଡି.ଏନ.ଏ.): କରୋନା ଯୋଦ୍ଧାଙ୍କୁ ସମ୍ମାନ ଜଣାଇବା ପାଇଁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ନିର୍ଦ୍ଦେଶ ତଥା ଅନୁରୋଧ କ୍ରମେ ଶନିବାର ସନ୍ଧ୍ୟାରେ କଳାହାଣ୍ଡି ଜିଲା କର୍ଲାମୁଣ୍ଡା ବ୍ଲକର ସମସ୍ତ ପଞ୍ଚାୟତ ଓ ସରକାରୀ ବେସରକାରୀ ଅନୁଷ୍ଠାନରେ ‘ବନ୍ଦେ ଉତ୍କଳ ଜନନୀ’ ଗାନ କରାଯାଇଛି। ଶାନ୍ତିନଗରପଡାରେ ବିଜେଡି ପକ୍ଷରୁ କାର୍ଯ୍ୟକ୍ରମ ଆୟୋଜନ କରାଯାଇଥିଲା। ଏଥିରେ ପୂର୍ଣ୍ଣମୟୀ ସ୍ବୟଂ ସହାୟକ ଦଳର ସଭ୍ୟାମାନେ ସହଯୋଗ କରିଥିଲେ। ବିଜେଡି ବ୍ଲକ ସଭାପତି ସୁରେନ୍ଦର ସାହୁ, କ୍ରିଷ୍ଣା ସାହୁ, ମଧୁସ୍ମିତା ସାହୁ, ଜ୍ୟୋତ୍ସ୍ନା ସାହୁ, ପ୍ରିୟଙ୍କା ସାହୁ, ଟୁନି ସାହୁ, ଲକି ସାହୁ ପ୍ରମୁଖ ଛାତ୍ରୀମାନେ ବନ୍ଦେ ଉତ୍କଳ ଜନନୀ ଗାନ କରିଥିଲେ। ତହସିଲ କାର୍ଯ୍ୟାଳୟ, କର୍ଲାମୁଣ୍ଡା ଫାଣ୍ଡି, ବ୍ଲକ କାର୍ଯ୍ୟାଳୟ, ଯୋରାଡବରା ସମବାୟ ସମିତିରେ ମଧ୍ୟ ବନ୍ଦେ ଉତ୍କଳ ଜନନୀ ଗାନ କରାଯାଇଥିଲା।