ଅନୁଗୋଳ ଅଫିସ,୧।୧୧: ଅନୁଗୋଳ ଜିଲା ସୋଲଡ଼ା ଗ୍ରାମ ସହ ଖୁରିଙ୍ଗା, ସତ୍ୟବାଦୀପୁର, ନାଥଗାଁ ଓ ତେଲିପୁର ଗ୍ରାମର ଶତାଧିକ ଲୋକ ଜିଲାପାଳ ଓ ଏସ୍ପିଙ୍କ କାର୍ଯ୍ୟାଳୟ ଘେରାଉ କରିଛନ୍ତି। ତେବେ ବଳରାମ କୋଇଲା ଖଣି(ସୋଲଡା ପ୍ୟାଚ୍) ଚାଲୁ କରିବା ଦାବିରେ ଏହି ଆନ୍ଦୋଳନ କରାଯାଇଛି। ଖଣି ଚାଲୁ ନ ହେଲେ ଆଗାମୀ ଦିନରେ ରାସ୍ତା ବନ୍ଦ ସହ ବିଧାନସଭା ଘେରାଉ କରିବେ ବୋଲି ଚେତାବନୀ ଦେଇଛନ୍ତି। ଖଣି ଚାଲୁ କରିବାକୁ ଗତ ୨୮ ତାରିଖଠାରୁ ୧୫ ଜଣ ଜିଲା କାର୍ଯ୍ୟାଳୟ ସମ୍ମୁଖରେ ଗଣଧାରଣାରେ ବସିଛନ୍ତି। ସୂଚନାଯୋଗ୍ୟ ଯେ, ଅକ୍ଟୋବର ୬ ତାରିଖଠାରୁ ଡଅଁରା ଗ୍ରାମବାସୀ ଖଣି ବନ୍ଦ କରିଛନ୍ତି।