ବ୍ରହ୍ମପୁର ଅଫିସ, ୧୮ା୩ – କରୋନା ମୁକାବିଲା ପାଇଁ ଜିଲା ପ୍ରଶାସନ ପକ୍ଷରୁ କଠୋର ପଦକ୍ଷେପ ଗ୍ରହଣ କରାଯାଉଛି। ରବିବାରରୁ ଗଞ୍ଜାମ ଜିଲାରେ ଭିଡ ତଥା ଜନଗହଳିକୁ ଏଡାଇବା ନେଇ ୧୪୪ ଧାରା ଜାରି କରାଯାଇଛି । ଏହି କ୍ରମରେ ସୋମବାରରୁ ସହରର ସମସ୍ତ ଭେଣ୍ଡିଂଜୋନ୍, ଜରୁରୀକଳିନ ସେବା ପ୍ରଦାନ କରୁଥିବା ଦୋକାନ ବ୍ୟତୀତ ସମସ୍ତ ବଡ ଦୋକାନ, ବଜାର, ସପିଂ ମଲ, ମାର୍କେଟ କମ୍ପ୍ଲେକ୍ସକୁ ବନ୍ଦ କରାଯାଇଛି। ମଙ୍ଗଳବାର ଜିଲାପାଳ ବିଜୟ ଅମୃତା କୁଲାଙ୍ଗେ ସହରର ବିଭିନ୍ନ ମାର୍କେଟ କମ୍ପ୍ଲେକ୍ସ ବୁଲି ଜନସାଧାରଣଙ୍କୁ ସଚେତନ କରିବା ସହ ଖୋଲା ରଖିଥିବା କିଛି ଦୋକାନୀ ଓ ଲଜିଂକୁ ତାଗିତ କରିଛନ୍ତି ା
କରୋନା ସାରାବିଶ୍ୱରେ ଭୟଙ୍କର ରୂପ ନେଉଥିବା ବେଳେ ଓଡିଶାରେ ଜଣେ ଚିହ୍ନଟ ହେବା ପରେ ଜିଲା ପ୍ରଶାସନ ତପତ୍ର ହୋଇଉଠିଛି ା ଜିଲାରେ ୧୪୪ ଧାରା ଲାଗୁ କରିବା ସହ ସହରର ସମସ୍ତ ଦୋକାନ, ବଜାର, ଶପିଂମଲକୁ ବନ୍ଦ କରାଯାଇଛି ା ମଙ୍ଗଳବାର ବନ୍ଦ କରାଯାଇଥିବା ଶପିଂମଲ, ଦୋକାନ ବଜାର ବନ୍ଦ ନେଇ ଜିଲାପାଳ ତଦାରଖ କରିଥିଲେ। ଜିଲାପାଳଙ୍କ ସମେତ ଉପଜିଲାପାଳ ସିନ୍ଧେ ଦତ୍ତାତ୍ରେୟ ଭାଉସାହେବ, ବିଏମ୍ସି କମିଶନର ଚକ୍ରବର୍ତ୍ତୀ ସିଂ ରାଠୋରଙ୍କ ସମେତ ଅନ୍ୟ ପ୍ରଶାସନିକ ଅଧିକାରୀମାନେ ଡାକବାଜି ଯନ୍ତ୍ରଦ୍ୱାରା ପ୍ରଚାର କରିବା ସହ ସହରର ବିଭିନ୍ନ ବଜାର ଅଞ୍ଚଳ ବୁଲି ସଚେତନ କରିଥିଲେ ା ବୁଲିବା ବେଳେ କେତେକ ଦୋକାନ ଖୋଲିଥିବା ଦେଖିବାକୁ ମିଳିଥିଲା। ଉକ୍ତ ଦୋକାନୀଙ୍କୁ ଜିଲାପାଳ ଓ ଅନ୍ୟ ଅଧିକାରୀମାନେ ତାଗିଦ କରିବା ସହ ତୁରନ୍ତ ବନ୍ଦ କରିବାକୁ କହିଥିଲେ। କରୋନା ନେଇ କଟକଣା ନ ଉଠିବା ପର୍ଯ୍ୟନ୍ତ ବନ୍ଦ ରଖିବାକୁ ନିବେଦନ କରିଥିଲେ।