ଧରାକୋଟ,୫ା୬(ଡି.ଏନ.ଏ.)- ଧରାକୋଟଗଡ଼ର ରଥଯାତ୍ରା ଚଳିତ ବର୍ଷ ହେବନାହିଁ। ଆସନ୍ତା ୨୩ ତାରିଖରେ ହେବାକୁ ଥିବା ଗୁଣ୍ଡିଚା ଯାତ୍ରା କରୋନା ମହାମାରୀ ଯୋଗୁ ବନ୍ଦ କରାଯାଇଥିବା ଦେବୋତ୍ତର ଗୁମାସ୍ତା ଅଶୋକ କୁମାର ଗୌଡ କହିଛନ୍ତି। ଶୁକ୍ରବାର ଜଗନ୍ନାଥ ମନ୍ଦିର ପରିସରରେ ଥିବା ସ୍ନାନ ବେଦୀରେ ତିନି ଠାକୁରଙ୍କୁ ପହଣ୍ଡି ବିଜେ କରାଇବା ପରେ ସୁରୁଖୁରୁରେ ସମ୍ପନ୍ନ ହୋଇଥିଲା ସ୍ନାତନୀତି। ସୀମିତ ଭକ୍ତଙ୍କ ମଧ୍ୟରେ ଏହା କରାଯାଇଥିଲା। ପୋଲିସର ପ୍ରଶାସନର ଉପସ୍ଥିତିରେ ରାଜ ପୁରୋହିତ କୈଳାଶ ଚନ୍ଦ୍ର ମିଶ୍ର, ବଡ଼ପଣ୍ଡା ତ୍ରିନାଥ ପଣ୍ଡା ନିଜର ଦାୟିତ୍ୱ ସମ୍ପନ୍ନ କରିଥିଲେ। ପରେ ଠାକୁରଙ୍କ ହାତୀ ବେଶରେ ସଜା ଯାଇଥିଲା।