ଖପ୍ରାଖୋଲ, ୨୪ା୪(ଡି.ଏନ.ଏ): ବଲାଙ୍ଗୀର ଜିଲା ଖପ୍ରାଖୋଲ ବ୍ଲକ ହରିଶଙ୍କର ପୀଠରେ ବୈଶାଖ ମାସରେ ନୃସିଂହ ଚତୁର୍ଦ୍ଦଶୀ ମେଳା ହୋଇଥାଏ। ହେଲେ ଚଳିତ ବର୍ଷ ମହାମାରୀ କରୋନା ସାରା ବିଶ୍ୱରେ ଚିନ୍ତା ବଢାଇଥିବାବେଳେ ମାସେ ହେଲା ଲକଡାଉନ୍ ଲାଗିଛି ା ଏହି ସମୟରେ ନୃସିଂହ ଚତୁର୍ଦ୍ଦଶୀ ମେଳା ମେ ମାସ ୫ ରୁ ୭ ତାରିଖ ଯାଏଁ ତିନି ଦିନ ଧରି ଆୟୋଜିତ ହେବାକୁ ଥିଲା ା ଲକଡାଉନ୍ ୩ ତାରିଖ ଉଠିବାର ଥିଲେ ବି କରୋନାରୁ ସୁରକ୍ଷା ପାଇଁ ସାମାଜିକ ଦୂରତ୍ୱକୁ ଗୁରୁତ୍ୱ ଦିଆଯିବ ବୋଲି ନିଷ୍ପତ୍ତି ହୋଇଛି। ଏହିପରିସ୍ଥିତିରେ ଲକ୍ଷାଧିକ ଲୋକଙ୍କ ଭିଡ ହେଉଥିବା ନୃସିଂହ ଚତୁର୍ଦ୍ଦଶୀ ମେଳା ପାଇଁ ସତେ ଯେମିତି କରୋନା ବଇରୀ ସାଧିଛି ା ପ୍ରତି ବର୍ଷ ମନ୍ଦିର ପରିସରରେ ସ୍ବତନ୍ତ୍ର ପୂଜା ସହ ହୋମ ଯଜ୍ଞ, ବିଭିନ୍ନ ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହେଉଥିବାବେଳେ ସରକାରଙ୍କ ତରଫରୁ ବିଭିନ୍ନ ପ୍ରଜ୍ଞାପନ ମେଢ ହୋଇଥାଏ ା ସେହିପରି ପ୍ରାୟ ୨ କିମି ଧରି ଶହଶହ ଦୋକାନ ବଜାର ହୋଇଥାଏ ା ମେଳା ଦେଖିବାକୁ ଦୂରଦୂରାନ୍ତରରୁ ଲକ୍ଷାଧିକ ଲୋକଙ୍କ ଭିଡ ହୋଇଥାଏ। ମୁଖ୍ୟ ଆକର୍ଷଣ ସାଜିଥାଏ ହରିଶଙ୍କର ପୀଠରୁ ଦୀର୍ଘ ୧୫ କିମି ଗନ୍ଧମାର୍ଦ୍ଦନ ପାହାଡ ଚଢି ଶ୍ରଦ୍ଧାଳୁ ନୃସିଂହନାଥ ପୀଠକୁ ଯାଇଥାନ୍ତି। ଚଳିତ ବର୍ଷ ମେଳା ବନ୍ଦ ହେବା ଏକପ୍ରକାର ନିଶ୍ଚିତ ଥିବାବେଳେ କେବଳ ଠାକୁରଙ୍କ ସ୍ବତନ୍ତ୍ର ନୀତି ପୂଜକ ମାନଙ୍କ ଦ୍ୱାରା ସମାପନ ହେବ ା ଏ ନେଇ ଗୋଷ୍ଠୀ ଉନ୍ନୟନ ଅଧିକାରୀ ତରଣୀ ସୁନାଙ୍କୁ ପଚାରିବାରୁ କରୋନା ପାଇଁ ଲକ ଡାଉନ୍ ଘୋଷଣା ହୋଇଥିବାବେଳେ ସାମାଜିକ ଦୂରତ୍ୱକୁ ଗୁରୁତ୍ୱ ଦିଆଯାଉଛି ା ଏହାକୁ ଆଖି ଆଗରେ ରଖି ଚଳିତ ବର୍ଷ ମେଳା ବନ୍ଦ ହୋଇପାରେ। ତେବେ ଏ ନେଇ ଉଚ୍ଚ କର୍ତ୍ତୃପକ୍ଷଙ୍କ ସହ ଆଲୋଚନା ପରେ ଚୂଡାନ୍ତ ନିଷ୍ପତ୍ତି ନିଆଯିବ ବୋଲି କହିଛନ୍ତି।
