ପ୍ୟାରିସ,୧୪।୩: କରୋନା ଭାଇରସ ଏବେ ସାରା ବିଶ୍ୱକୁ ଚିନ୍ତାରେ ପକାଇ ଦେଇଥିବା ବେଳେ ଏବେ ଏଥିରେ ପ୍ରାୟ ୫ ହଜାର ଲୋକଙ୍କ ମୃତ୍ୟୁ ହେଲାଣି। ଏହାସହ ୧ଲକ୍ଷ ୪୦ ହଜାର ଏଥିରେ ସଂକ୍ରମିତ ଥିବା ଜଣାପଡିଛି। ଏହାର ଭୟାବହତାକୁ ରୋକିବାକୁ ବିଭିନ୍ନ ଦେଶରେ ସ୍କୁଲ, କଲେଜ, ମଲ୍, ସିନେମା ହଲ୍ ପର୍ଯ୍ୟଟନ ସ୍ଥଳ ଆଦିକୁ ବନ୍ଦ କରି ଦିଆଯାଇଛି। ଫ୍ରାନ୍ସର ବଡ ପର୍ଯ୍ୟଟନସ୍ଥଳ ଏଫିଲ ଟାଓ୍ବାରକୁ ମଧ୍ୟ ଶୁକ୍ରବାରଠାରୁ ବନ୍ଦ କରିଦିଆଯାଇଥିବା ସୂଚନା ମିଳିଛି। ଏହି ଟାଓ୍ବାରକୁ ସଞ୍ଚାଳନ କରୁଥିବା କମ୍ପାନୀ ଲା ଟୁର ଏଫିଲ ଏହି ସୂଚନା ଦେଇଛି। ଫ୍ରାନ୍ସରେ ଏବେ କରୋନା ଭାଇରସରେ ୩,୭୦୦ ସଂକ୍ରମିତ ଥିବା ବେଳେ ୮୦ ଜଣଙ୍କ ମୃତ୍ୟୁ ହୋଇଥିବା କୁହାଯାଉଛି।
