ଭୁବନେଶ୍ୱର, ୨୪ା୩(ବ୍ୟୁରୋ): କରୋନା ସଂକ୍ରମଣକୁ ଏଡ଼ାଇବା ପାଇଁ ରାଜ୍ୟ ସରକାର ବିଭିନ୍ନ ପଦକ୍ଷେପ ନେଉଛନ୍ତି। ଏହି ପରିପ୍ରେକ୍ଷୀରେ କ୍ୟାପିଟାଲ ରିଜିଅନ୍ ଅର୍ବାନ୍ ଟ୍ରାନ୍ସପୋର୍ଟ ଲିମିଟେଡ୍ (କ୍ରୁଟ) ପକ୍ଷରୁ ଭୁବନେଶ୍ୱରରେ ମୋ ସାଇକେଲ୍ ଚଳାଚଳ ବନ୍ଦ ରଖାଯାଇଛି। ବୁଧବାରଠାରୁ ମୋସାଇକେଲ୍ ଚଳାଚଳ କରିବ ନାହିଁ ବୋଲି ମଙ୍ଗଳବାର କ୍ରୁଟ୍ ପକ୍ଷରୁ କୁହାଯାଇଛି।ସୂଚନା ଅନୁସାରେ, ୨୨ତାରିଖରେ ଲକ୍ ଡାଉନ୍ ଘୋଷଣା ପରଠାରୁ ଭୁବନେଶ୍ୱରର ଜନସାଧାରଣ ଯାତାୟତ ପାଇଁ ମୋ ସାଇକେଲ ବ୍ୟବହାର କରୁଥିଲେ। ଦୈନିକ ହାରାହାରି ୨୫୦ ଲୋକ ମୋ ସାଇକେଲ ଚଳାଉଥିଲେ। ହେଲେ ଏବେ ସାରା ରାଜ୍ୟରେ ଲକ୍ ଡାଉନ୍ ଘୋଷଣା ପରେ ମୋ ସାଇକେଲ ଚଳାଚଳକୁ କ୍ରୁଟ୍ ବନ୍ଦ କରିଛି ଜନସାଧାରଣଙ୍କ ସ୍ବାର୍ଥକୁ ପ୍ରାଥମିକତା ଦେଇ ଏହି ସେବାକୁ ପରବର୍ତ୍ତୀ ନିର୍ଦ୍ଦେଶ ପର୍ଯ୍ୟନ୍ତ ବନ୍ଦ କରାଯାଇଛି ବୋଲି କ୍ରଟ୍ ପକ୍ଷରୁ କୁହାଯାଇଛି।