ଲଖନପୁର,୭।୪(ଡି.ଏନ୍.ଏ.): ଝାରସୁଗୁଡା ଜିଲା ଲଖନପୁର ବ୍ଲକ ବନ୍ଧବାହାଲ ପଞ୍ଚାୟତ କାର୍ଯ୍ୟାଳୟରେ ପିଡିଏସ୍ ସାମଗ୍ରୀ ବଣ୍ଟନ କରାଯାଉଛି। ଏହି ଅବସରରେ କରୋନା ନିୟନ୍ତ୍ରଣ ସମ୍ପର୍କୀତ ସରକାରୀ ନିର୍ଦ୍ଦେଶନାମାକୁ ପାଳନ ନିମନ୍ତେ ପଞ୍ଚାୟତ ପକ୍ଷରୁ କେତେକ ପଦକ୍ଷେପ ଗ୍ରହଣ କରାଯାଇଛି । ହିତାଧୀକାରୀଙ୍କ ମଧ୍ୟରେ ସାମାଜିକ ଦୂରତା, ସାନିଟାଇଜେଶନ, ଖରାରୁ ରକ୍ଷା ପାଇଁ ଟେଣ୍ଡ, ପାନୀୟ ଜଳ ଆଦି ବ୍ୟବସ୍ଥା ହୋଇଛି। ପିଡିଏସ୍ ସାମଗ୍ରୀ ବଣ୍ଟନ ସମୟରେ ଯେପରି ହିତାଧୀକାରୀ ଭିଡ଼ ନ କରିବେ ସେଥିପାଇଁ ଦୈନିକ ୬୦ଜଣଙ୍କୁ ଟୋକନ ପ୍ରଦାନ କରାଯାଇଛି। ଏହି ଟୋକନଧାରୀ ମାନେ ସାମାଜିକ ଦୂରତା ରକ୍ଷାକରି ନିଜ ନିଜ ସାମଗ୍ରୀ ନେଉଛନ୍ତି । ଏଥିରେ ସରପଞ୍ଚ ରାଜେନ୍ଦ୍ର ନାୟକ, ସମିତିସଭ୍ୟ ଈଶ୍ବର କଉଡି, ପିଇଓ ଯୋଗେଶ୍ବର ବିଶ୍ବାଳ, ଜିଆର୍ଏସ୍ ହୃଷିକେଶ ମାଝି, ଯୋଗାଣ ସହାୟୀକା କାମିନୀ ଦାସ, ପ୍ରଫୁଲ୍ଲ ପ୍ରଧାନ ପ୍ରମୁଖ ସହଯୋଗ କରୁଛନ୍ତି ।
