ପାତ୍ରପୁର,୮ା୧୨ (ଡି.ଏନ୍.ଏ.)- ଜରଡ଼ା ଥାନା ପାତ୍ରପୁର ବ୍ଲକ କେଲୁଆ-ପଦାଦିଗି କେନାଲ ରାସ୍ତାରେ ବନ୍ଧୁକ ଦେଖାଇ ଦମ୍ପତ୍ତିଙ୍କ ଠାରୁ ପ୍ରାୟ ୩ଭରି ଓଜନର ୨ଟି ସୁନା ଚେନ୍ ରବିବାର ମଧ୍ୟାହ୍ନରେ ଦୁଇ ଜଣ ଲୁଟେରା ବନ୍ଧୁକ ଦେଖାଇ ଲୁଟି ନେଇଥିବା ଜଣାପଡ଼ିଛି। ମିଳିଥିବା ସୂଚନା ମୁତାବକ, ୟା. ଡ଼ିଲେଶ୍ୱରୀ ଓ ତାଙ୍କ ସ୍ବାମୀ ପାତ୍ରପୁରରୁ ବଜାର ସଉଦା କରି ବାଇକ୍ରେ ଫେରୁଥିଲେ। ପଦାଦିଗି ଗ୍ରାମ ନିକଟ କେନାଲ ରାସ୍ତାରେ ୨ଜଣ ଦୁର୍ବୃତ୍ତ ଦମ୍ପତିଙ୍କୁ ଅଟକାଇ ବନ୍ଧୁକ ଦେଖାଇ ଭୟଭୀତ କରିଥିଲେ। ପରେ ୨ଟି ସୁନା ଚେନ୍ ଲୁଟିନେଇ ବାଇକ ଯୋଗେ ବ୍ରହ୍ମପୁର ଅଭିମୁଖେ ଫେରାର୍ ହୋଇଯାଇଥିଲେ। ଏନେଇ ଜରଡା ଥାନାରେ ଅଭିଯୋଗ ହୋଇଛି। ନଂ.୨୨୦/୧୯ରେ ମାମଲା ରୁଜୁକରି ପୋଲିସ ତଦନ୍ତ ଚଳାଇଥିବା ଜରଡ଼ା ଥାନା ଅଧିକାରୀ ମୃତ୍ୟୁଞ୍ଜୟ ସ୍ବାଇଁ ସୂଚନା ଦେଇଛନ୍ତି। ପ୍ରକାଶ ଥାଉକି ଗତ ସପ୍ତାହରେ ବରଙ୍ଗ ଗ୍ରାମର ଜଣେ ମହିଳା ଧାନ ଜମିରୁ ଘରକୁ ଫେରୁଥିବାବେଳେ ୨ଜଣ ଲୁଟେରା ସୁନା ଗହଣା ଝାମ୍ପି ନେଇଥିଲେ।
