ସଜନାଗଡ଼,୨୩।୩(ଡି.ଏନ୍.ଏ.): ବାଲେଶ୍ୱର ଜିଲା ନୀଳଗିରି ଉପଖଣ୍ଡ କୁଲଡିହା ଅଭୟାରଣ୍ୟରେ ଦିନକୁ ଦିନ ଶିକାରୀଙ୍କ ପ୍ରାଦୁର୍ଭାବ ଦେଖିବାକୁ ମିଳୁଛି।
ରବିବାର ରାତିରେ ଏହି ଅଭୟାରଣ୍ୟକୁ ଶିକାର ଉଦ୍ଦେଶ୍ୟରେ ଯାଇଥିବା ନୀଳଗିରି ଥାନା ଅଧିନସ୍ଥ ଶିଆଡ଼ିମାଳ ପଞ୍ଚାୟତ ବାବନ୍ଧ ଗ୍ରାମର ପବନ ସିଂଙ୍କୁ ବନବିଭାଗ ଗିରଫ କରିଥିବା ବେଳେ ତାଙ୍କର ସହଯୋଗୀ ପାଗୁଲ ସିଂ ଫେରାର ହୋଇଯାଇଛନ୍ତି। ପବନଙ୍କଠାରୁ ବନ ବିଭାଗ ବନ୍ଧୁକ ସହ ଅନ୍ୟାନ୍ୟ ସାମଗ୍ରୀ ମଧ୍ୟ ଜବତ କରିଛି। ଚଳିତମାସରେ କୁଲଡିହା ବନବିଭାଗ ହାତରେ ୪ ଶିକାରୀ ଗିରଫ ହୋଇସାରିଲେଣି।
ଏହି ଚଢ଼ାଉରେ ଫରେଷ୍ଟର ରାମେଶ୍ୱର ମୁର୍ମୁ, ସିଙ୍ଗରାଓ ହେମ୍ବ୍ରମ୍, ଫରେଷ୍ଟ ଗାର୍ଡ ଓ ସବୁଜ ବାହିନୀ ଉପସ୍ଥିତ ଥିଲେ।