ରାଜନଗର,୨୯।୭(ଡି.ଏନ୍.ଏ.): କେନ୍ଦ୍ରାପଡ଼ା ଜିଲା ରାଜନଗର ବନ୍ୟପ୍ରାଣୀ ଡିଭିଜନ କାର୍ଯ୍ୟାଳୟ(ଡିଏଫ୍ଓ) ସମ୍ମୁଖରେ ଅଖିଳ ଓଡ଼ିଶା ମତ୍ସ୍ୟ ଉତ୍ପାଦକ ମହାସଂଘ ପକ୍ଷରୁ ସୋମବାର ବିକ୍ଷୋଭ ପ୍ରଦର୍ଶନ କରାଯାଇଛି। ଗହୀର ମଥା ସାମୁଦ୍ରିକ ଅଭୟାରଣ୍ୟରେ ବେଆଇନ ମାଛ ଧରୁଥିବା ଟ୍ରଲରଗୁଡ଼ିକୁ ରାଜନଗର ବନ ବିଭାଗ ଜବତ କରୁଛି। କିନ୍ତୁ ବନ ବିଭାଗର ବଡ଼ ଅଫିସରମାନେ କଇଁଛ ସୁରକ୍ଷା ନାଁରେ ମତ୍ସ୍ୟଜୀବୀଙ୍କୁ ଭୟଭୀତ କରିବା ସହିତ ଟ୍ରଲର ଛାଡ଼ିବା ପାଇଁ ଅର୍ଥ ଦାବି କରିବା ପ୍ରତିବାଦରେ ସଂଘର ଅନନ୍ତ ଜେନାଙ୍କ ନେତୃତ୍ୱରେ ୨ ଶହରୁ ଊର୍ଦ୍ଧ୍ୱ ମତ୍ସ୍ୟଜୀବୀ, ଟ୍ରଲରମାଲିକ ସାମିଲ ହୋଇ ଏହି ବିକ୍ଷୋଭ ପ୍ରଦର୍ଶନ କରିଛନ୍ତି।