ବରଗଡ଼ ଅଫିସ୍,୨୪।୪: ବରଗଡ଼ ଜିଲାରେ କ୍ରମାଗତ କାଳବୈଶାଖୀର ତାଣ୍ଡବ ଚାଷୀଙ୍କ ଚିନ୍ତା ବଢ଼ାଇ ଦେଇଛି । ଗତ ଦୁଇଦିନ ଜିଲାର ବିଭିନ୍ନ ସ୍ଥାନରେ କୁଆପଥର ବୃଷ୍ଟି(କରାମାଡ଼), ବର୍ଷାରେ ଅଞ୍ଚଳର ବହୁ ପରିମାଣରେ ଧାନ ଫସଲ କ୍ଷତିଗ୍ରସ୍ତ ହୋଇଛି । ତେବେ ସେହି କ୍ଷୟକ୍ଷତି ଆକଳନ ସମ୍ପୂର୍ଣ୍ଣ ହୋଇ ନଥିବାବେଳେ ଶୁକ୍ରବାର ଜିଲାର ବରପାଲି ବ୍ଲକ ଅନ୍ତର୍ଗତ ଜୁଲଟ୍, କନବାର୍, ବିଜେପୁର ବ୍ଲକର ଜାରିଂ, ଲେମଧର ଆଦି ଗ୍ରାମରେ ପ୍ରବଳ କରାମାଡ଼ ହୋଇଛି । ଧାନ ଅମଳ ପାଖେଇ ଆସୁଥିବାବେଳେ କ୍ରମାଗତ କରାମାଡ଼ ଧାନ ଫସଲକୁ ଯଥେଷ୍ଟଭାବେ ପ୍ରଭାବିତ କରିଛି । ଫଳରେ ଚାଷୀ ମୁଣ୍ଡରେ ଚଡ଼କ ପଡ଼ଯାଇଛି ।