ବରଗଡ଼ ଅଫିସ, ୨୩।୫: ବରଗଡର ଦୁଇ କେନ୍ଦ୍ରରେ ଭୋଟ ଗଣତି ଆରମ୍ଭ ହୋଇଛି। ସକାଳ ୮ଟାରୁ ବରଗଡ ପଞ୍ଚାୟତ କଲେଜ ଓ ପଦ୍ମପୁର ଆରଏମସି ଗୋଦାମରେ ଭୋଟ ଗଣତି ଆରମ୍ଭ ହୋଇଛି। ପ୍ରଥମରୁ ପୋଷ୍ଟାଲ ଭୋଟ ଗଣତି ଆରମ୍ଭ ହୋଇଥିଲା। ବରଗଡ଼ ଲୋକ ସଭାର ୭ଟି ନିର୍ବାଚନ ମଣ୍ଡଳୀରେ ମୋଟ ୭୯୮୨ଟି ଭୋଟ ରହିଛି। ପୋଷ୍ଟାଲ ଭୋଟ ଗଣତି ପରେ ଏବେ ଇଭିଏମର ଭୋଟ ଗଣତି ଚାଲିଥିବା ଜଣାପଡ଼ିଛି। ବରଗଡ଼ ବିଧାନସଭା ନର୍ବାଚନ ମଣ୍ଡଳୀ ପାଇଁ ହୋଇଥିବା ଭୋଟ ୩୩, ବିଜେପୁର ୪୧, ଭଟଲି ୪୨, ଅତାବିରା ୩୬ ଏବଂ ପଦ୍ମପୁର ବିଧାନସଭା ନର୍ବାଚନ ମଣ୍ଡଳୀର ଭୋଟ ଗଣତି ୪୬ ରାଉଣ୍ଡରେ ସମାପନ ହେବା ନେଇ ସୂଚନା ରହିଛି।