ବରଗଡ଼ ଅଫିସ୍,୧୦।୪: କରୋନା(କୋଭିଡ୍-୧୯) ଭୂତାଣୁ ସଂକ୍ରମଣକୁ ପ୍ରତିହତ କରିବା ପାଇଁ ଦେଶବ୍ୟାପୀ ଲକ୍ ଡାଉନ୍ କଟକଣା ଲାଗୁ ହୋଇଛି । ଏହି ପରିପ୍ରେକ୍ଷୀରେ ରାଜ୍ୟ ସରକାରଙ୍କ ସାହିତ୍ୟ ଓ ସଂସ୍କୃତି ବିଭାଗର ନିର୍ଦ୍ଦେଶକ୍ରମେ ବରଗଡ଼ ଜିଲାର ମୋଟ୍ ୧,୫୨୩ ଜଣ କଳାକାରଙ୍କୁ ମାସିକ ୧,୨୦୦ ଟଙ୍କା ହିସାବରେ ଆଗାମୀ ଜୁନ୍-୨୦୨୦ ପର୍ଯ୍ୟନ୍ତ ଅଗ୍ରୀମ କଳାକାର ଭତ୍ତା ପ୍ରଦାନ କରାଯାଇଛି। ପ୍ରତ୍ୟେକ କଳାକାରଙ୍କ ଆକାଉଣ୍ଟରେ ଅନଲାଇନ୍ ପେମେଣ୍ଟ ମାଧ୍ୟମରେ ଏହି ଟଙ୍କା ପ୍ରଦାନ କରାଯାଇଛି। ଏଥିସହ ଜିଲା ସଂସ୍କୃତି ପରିଷଦ ପାଣ୍ଠିରୁ କଳକାରମାନେ କରିଥିବା ସମସ୍ତ କାର୍ଯ୍ୟକ୍ରମର ଦେୟ ମଧ୍ୟ ପଇଠ ହୋଇ ସାରିଛି ବୋଲି ଜିଲା ସଂସ୍କୃତି ଅଧିକାରୀ କଲ୍ୟାଣୀ ଦାଶ ସୂଚନା ଦେଇଛନ୍ତି।
