ଭବାନୀପାଟଣା, ୨୮।୩ (ଡି.ଏନ.ଏ.): ବରିଷ୍ଠ ଆଦିବାସୀ ନେତା ତଥା ନିୟମଗିରି ସୁରକ୍ଷା ସମିତିର ପୂର୍ବତନ ସଭାପତି କୁମୁଟି ମାଝିଙ୍କ ଚିକିତ୍ସାଧୀନ ଅବସ୍ଥାରେ ଶୁକ୍ରବାର ୭୨ ବର୍ଷ ବୟସରେ ପରଲୋକ ହୋଇଯାଇଛି। ସେ ଦୀର୍ଘ ଦିନରୁ ନିୟମଗିରି ଆନ୍ଦୋଳନରେ ସାମିଲ ହୋଇ ଆଦିବାସୀ ଡଙ୍ଗରିଆ ଓ ଝରାଣିଆ କନ୍ଧମାନଙ୍କ ହକ୍ ପାଇଁ ଲଢ଼େଇ କରିବା ସହ ନିୟମଗିରି ପର୍ବତକୁ ବହୁ ରାଷ୍ଟ୍ରୀୟ କମ୍ପାନୀଠାରୁ ବଞ୍ଚାଇବାରେ ସଫଳ ହୋଇଥିଲେ । ତାଙ୍କ ବିୟୋଗରେ ନିୟମଗିରି ସୁରକ୍ଷା ସମିତିର ସଭାପତି ଲୋଡ ସିକ୍କା, ଆଦିବାସୀ ନେତା ଦଧି ପୁସିକା, ଲିଙ୍ଗରାଜ ଆଜାଦ, ସତ୍ୟ ମହାର, କୃଷକ ନେତା ଲିଙ୍ଗରାଜ, ବରିଷ୍ଠ କଂଗ୍ରେସ ନେତା ଭକ୍ତଚରଣ ଦାସ, ଗ୍ରୀନ କଳାହାଣ୍ଡିର ଅଧ୍ୟକ୍ଷ ସିଦ୍ଧାର୍ଥ ବେହେରା, ପରିବେଶବିତ ପ୍ରଫୁଲ୍ଲ ସମନ୍ତରା, ମେଧା ପାଟେକଙ୍କେ ସମେତ ବହୁ ପରିବେଶବିତ ଓ ସାମାଜିକ କର୍ମୀ ଦୁଃଖ ପ୍ରକାଶ କରିଛନ୍ତି।
