ବରିଷ୍ଠ ନାଗରିକଙ୍କ ପାଇଁ ସରକାରଙ୍କ ପକ୍ଷରୁ ବିଭିନ୍ନ ସୁବିଧା ସୁଯୋଗ ଯୋଗାଇ ଦିଆଯାଉଛି। ଏହି ମର୍ମରେ ହାଇଦ୍ରାବାଦ୍ରେ ବରିଷ୍ଠ ନାଗରିକଙ୍କ ପାଇଁ ଜରୁରୀକାଳୀନ ସେବା ପ୍ରଦାନ ଲାଗି ସ୍ବେଛାସେବୀ ସଂଗଠନ ହ୍ୟୁମାନ ରାଇଟସ୍ ଅର୍ଗାନାଇଜେସନ୍ ଅଫ୍ ଗୁଡ୍ ସମାରିଟାନ୍ସ ଇଣ୍ଡିଆ ପକ୍ଷରୁ ବାଇକ୍ ଆମ୍ବୁଲାନ୍ସ୍ ସେବା ଆରମ୍ଭ କରାଯାଇଛି। ରାସ୍ତାକଡ଼ରେ ଶୋଇଥିବା ବେସାହାରା ବରିଷ୍ଠ ନାଗରିକଙ୍କୁ ଏହି ସଂସ୍ଥା ସେବା ଯୋଗାଇବା ସହିତ ସେମାନଙ୍କର ଯତ୍ନ ନେଉଛି। ବସ୍ଷ୍ଟାଣ୍ଡ୍, ରେଳଷ୍ଟେଶନ, ବସ୍ତି ଅଞ୍ଚଳରେ ରହୁଥିବା ବରିଷ୍ଠ ନାଗରିକଙ୍କୁ ଏହି ସଂସ୍ଥାର କର୍ମୀ ବାଇକ୍ ଆମ୍ବୁଲାନ୍ସ୍ ସହାୟତାରେ ଆବଶ୍ୟକୀୟ ସେବା ଯୋଗାଇ ଦେଉଛି। ଆଗାମୀ ଦିନରେ ଦେଶବ୍ୟାପି ଏହି ସେବା ପ୍ରଦାନ କରାଯିବା ପାଇଁ ସଂସ୍ଥା ପକ୍ଷରୁ ଯୋଜନା କରାଯାଇଛି। ବଡ଼ଗାଡ଼ି ପଶିପାରୁ ନ ଥିବା ଅଞ୍ଚଳରେ ବାଇକ୍ ଆମ୍ବୁଲାନ୍ସ୍ ଦ୍ୱାରା ଜରୁରୀ କାଳୀନ ସେବା ପ୍ରଦାନ କରାଯାଉଛି।
