ବରୀ,୧୪|୮(ସ୍ବ.ପ୍ର.)- ଯାଜପୁର ଜିଲା ବରୀ ବ୍ଲକ ଅଧ୍ୟକ୍ଷା ଉପନିର୍ବାଚନ ପାଇଁ ମଙ୍ଗଳବାର ସରକାରୀ ଭାବେ ପଞ୍ଚାୟତ ସମିତି କାର୍ଯ୍ୟାଳୟ ପକ୍ଷରୁ ବିଜ୍ଞପ୍ତି ପ୍ରକାଶ ପାଇଛି। ଆସନ୍ତା ୨୧ ତାରିଖ ଦିନ ୧୦ରୁ ୧୧ ଘଟିକା ପର୍ଯ୍ୟନ୍ତ ପ୍ରାର୍ଥୀ ତାଙ୍କର ମନୋନୟନ ପତ୍ର ନେଇପାରିବେ। ସେହିଦିନ ୧୧ରେ ମନୋନୟନ ପତ୍ର ଦାଖଲ କରିବା କାର୍ଯ୍ୟକ୍ରମ ରହିଛି। ୧୧ ଟାରୁ ୧୧.୩୦ ମିନିଟ ମଧ୍ୟରେ ମନୋନୟନ ପତ୍ର ଯାଞ୍ଚ ଓ ମଧ୍ୟାହ୍ନ ୧୨ଟାରେ ପ୍ରତ୍ୟାହାର ପରେ ଭୋଟ ଗ୍ରହଣ ଅନୁଷ୍ଠିତ ହେବ ବୋଲି ବିଜ୍ଞପ୍ତିରେ ପ୍ରକାଶ ପାଇଛି। ଏ ନେଇ ବରୀ ରାଜନୀତିରେ ଉଷ୍ମତା ପ୍ରକାଶ ପାଇଛି। ଅପରପକ୍ଷେ ବିଜେଡି ଏହି ଉପନିର୍ବାଚନରେ ହସ୍ତକ୍ଷେପ କରିବ ନାହିଁ ବୋଲି ପୂର୍ବରୁ ଗଣମାଧ୍ୟମରେ ଜଣାଇଛି।