କପ୍ତିପଦା,୧୬ା୫(ଡି.ଏନ.ଏ)- ଦକ୍ଷିଣ ପୂର୍ବ ବଙ୍ଗୋପସାଗରରେ ସୃଷ୍ଟ ଲଘୁଚାପ ପ୍ରଭାବରେ ଉତ୍ତର ଓଡ଼ିଶାରେ ପ୍ରବଳ ବର୍ଷା ହେବ ବୋଲି ପାଣିବାଗ ବିଭାଗ ସୂଚନା ଦେଇଛି। ଏହାକୁ ଲକ୍ଷ୍ୟରଖି ମୟୂରଭଞ୍ଜ ଜିଲା କପ୍ତିପଦା ବ୍ଲକ୍ରେ ଥିବା କାଳ ଓ ସୁନେଇ ଡ୍ୟାମ୍ କର୍ତ୍ତୃପକ୍ଷ ଆଗୁଆ ସତର୍କତା ଅବଲମ୍ବନ କରିଛନ୍ତି। ଏହି ୨ ଡ୍ୟାମ୍ରେ ୬୦ପ୍ରତିଶତ ଜଳ ଗଚ୍ଛିତ ରଖି ଅବଶିଷ୍ଟ ଜଳକୁ ଛାଡ଼ି ଦିଆଯିବ ବୋଲି ବିଭାଗ ସୂତ୍ରରୁ ଜଣାପଡ଼ିଛି। ଶୁକ୍ରବାର ମଧ୍ୟାହ୍ନ ୧୨ଟାରେ କାଳ ଡ୍ୟାମ୍ର ଗୋଟିଏ ଗେଟ ଖୋଲଥିବା ବେଳେ ୧ଟାରେ ସୁନେଇ ଡ୍ୟାମ୍ର ଗୋଟିଏ ଗେଟ୍ ଖୋଲିଛି ା ସୁନେଇରେ ୬୦୬୦ କ୍ୟୁବିକ୍ ଜଳ ଧାରଣା କ୍ଷମତା ଥିବା ବେଳେ ଗୋଟିଏ ଗେଟ ମାଧ୍ୟମରେ ପ୍ରତି ସେକେଣ୍ଡରେ ୧୫୦ କ୍ୟୁବିକ୍ ଜଳ ନିଷ୍କାସିତ ହେଉଛି। ସେହିପରି କାଳ ଡ୍ୟାମ୍ରେ ଜଳ ଧାରଣ ବିପଦ ସଙ୍କେତ ୭୭.୭୦ ମିଟର ଥିବା ବେଳେ ପ୍ରତି ସେକେଣ୍ଡରେ ୧୬୫ କ୍ୟୁବିକ୍ ଜଳ ନିଷ୍କାସିତ ହେଉଥିବା ଦାୟିତ୍ୱରେ ଥିବା ସହକାରୀ ଯନ୍ତ୍ରୀ କହିଛନ୍ତି ା