ଢେଙ୍କାନାଳ ଅଫିସ,୧୬ା୭ ଢେଙ୍କାନାଳ ଜିଲା ଓଡ଼ାପଡ଼ା ବ୍ଲକ ମୋଟଙ୍ଗା ଓ କଣ୍ଟାବଣିଆ ଥାନା ଅଞ୍ଚଳରେ ବର୍ଷା ଅଭାବ ନେଇ ଚାଷୀ ହତାଶ ହୋଇପଡିଛନ୍ତି। ଦୁଇ ସପ୍ତାହ ତଳେ ଲଘୁଚାପ ଯୋଗୁ ସାମାନ୍ୟ ବର୍ଷା ହୋଇଥିଲା, ଯାହା କି ଚାଷ ପାଇଁ ପର୍ଯ୍ୟାପ୍ତ ନୁହେଁ । ବ୍ଲକର କମଳାଙ୍ଗ, ମଙ୍ଗଳପୁର, କୁଶୁପଙ୍ଗା, ଖଡଗପ୍ରସାଦ, ଶିବପୁର, ମୋଟଙ୍ଗା, ନିମିଧା, ବିଡୋ ପଞ୍ଚାୟତରେ ବର୍ଷାର ଦେଖା ନ ଥିବାରୁ ଚାଷୀଙ୍କ ଚିନ୍ତା ବଢିଛି। ଧାନ ତଳି ପଡିିଥିବା ବିଲରେ ପାଣି ନ ଥିବାରୁ ମାଟି ଶୁଖି ଫାଟି ଆଁ ହେଲାଣି ା ବୁଣା ଯାଇଥିବା ଧାନ କ୍ଷେତରେ ଏବେ ଗୋରୁଗାଈ ଚରୁଛନ୍ତି ା ଅନ୍ୟପକ୍ଷରେ ଏହି ଅଞ୍ଚଳରେ ନିର୍ମିତ ରେଙ୍ଗାଳି ଦକ୍ଷିଣପାର୍ଶ୍ୱ କେନାଲରେ ଚଳିତବର୍ଷ ପାଇଁ ଆଜି ପର୍ଯ୍ୟନ୍ତ ମଧ୍ୟ ପାଣି ଛଡାଯାଇନାହିଁ। ଏହାକୁ ନେଇ ଚାଷୀମାନଙ୍କ ମଧ୍ୟରେ ତୀବ୍ର ଅସନ୍ତୋଷ ଦେଖାଯାଇଛି। ଏପରି ଲାଗି ରହିଲେ ଗଜା ମରୁଡିର ଆଶଙ୍କା ସୃଷ୍ଟି ହୋଇଛି। ଏ ଦିଗରେ ତୁରନ୍ତ ପଦକ୍ଷେପ ଗ୍ରହଣ କରିବା ପାଇଁ ସ୍ଥାନୀୟ ଅଞ୍ଚଳର ଚାଷୀମାନେ ବ୍ଲକ ଓ ଜିଲା କୃଷି ବିଭାଗକୁ ନିବେଦନ କରିଛନ୍ତି ।