ଚେନ୍ନାଇ,୨୨।୬: ତାମିଲନାଡୁର ଅରୁଲମିଗୁ ଗଙ୍ଗାଦିସ୍ବରର ମନ୍ଦିରରେ ବର୍ଷା ଲାଗି ଏଆଇଏଡିଏମ୍କେ ପକ୍ଷରୁ ଏକ ଯଜ୍ଞର ଆୟୋଜନ କରାଯାଇଛି। ରାଜ୍ୟମନ୍ତ୍ରୀ ଜେ. ଜୟକୁମାର କହିଛନ୍ତି ରାଜ୍ୟରେ ମରୁଡି ପରିସ୍ଥିତି ସୃଷ୍ଟି ହେବାରୁ ଏବେ ଆମେ ଈଶ୍ୱରଙ୍କୁ ବର୍ଷା ପାଇଁ ପ୍ରାର୍ଥନା କରୁଛୁ। ଈଶ୍ୱରଙ୍କ କରୁଣା ଭିକ୍ଷା କରି ଆମେ ତାଙ୍କ ଆଶୀର୍ବଦ ଲୋଡିଛୁ ବୋଲି ସେ କହିଛନ୍ତି। ସୂଚନାଯୋଗ୍ୟ, ତାମିଲନାଡୁ ଏବେ ଉତ୍କଟ ଜଳ ସମସ୍ୟା ଦେଇ ଗତି କରୁଛି। ଏଠାରେ ବୁନ୍ଦାଏ ପାଣି ପାଇଁ ଲୋକେ ଏକ ପ୍ରକାର ଡହଳ ବିକଳ ହେଉଛନ୍ତି। ତେବେ ଭୂପୃଷ୍ଠ ଜଳସ୍ତର ପୂର୍ବ ବର୍ଷ ଅପେକ୍ଷା କମି ଯାଇଥିବାରୁ ଏଭଳି ସମସ୍ୟା ଉପୁଜିଥିବା ଗୋଟିଏ ଦିନ ପୂର୍ବରୁ ମୁଖ୍ୟମନ୍ତ୍ରୀ କେ. ପଲାନିସ୍ବାମୀ ପ୍ରକାଶ କରିଥିଲେ।