ବଲାଙ୍ଗୀର ଅଫିସ, ୨୨|୧ – ବଲାଙ୍ଗୀର ଗ୍ରାମ୍ୟ ଉନ୍ନୟନ ସଂସ୍ଥା ସମ୍ମିଳନୀ କକ୍ଷରେ ମଙ୍ଗଳବାର ପୂର୍ତ୍ତ ଓ ଗୃହ ନିର୍ମାଣ ବିଭାଗ ମନ୍ତ୍ରୀ ପ୍ରଫୁଲ୍ଲ ମଲ୍ଲିକଙ୍କ ଅଧ୍ୟକ୍ଷତାରେ ଏକ ସମୀକ୍ଷା ବୈଠକ ଅନୁଷ୍ଠିତ ହୋଇଥିଲା ା ଏହି ବୈଠକରେ ମହିଳା ଓ ଶିଶୁ କଲ୍ୟାଣ ଓ ମିଶନ ଶକ୍ତି ବିଭାଗ ମନ୍ତ୍ରୀ ଟୁକୁନି ସାହୁ, ବଲାଙ୍ଗୀର ବିଧାୟକ ନରସିଂହ ମିଶ୍ର, ଜିଲାପାଳ ଅରିନ୍ଦମ ଡାକୁଆ, ଉପଜିଲାପାଳ ସଞ୍ଜୟ କୁମାର ମିଶ୍ର, ପୂର୍ତ୍ତ ବିଭାଗ ଅଧିକ୍ଷଣ ଯନ୍ତ୍ରୀ, ନିର୍ବାହୀ ଯନ୍ତ୍ରୀ, ସହକାରୀ ନିର୍ବାହୀ ଯନ୍ତ୍ରୀ ଓ ଅନ୍ୟ ସରକାରୀ ଅଧିକାରୀ ଉପସ୍ଥିତ ଥିଲେ ା ବୈଠକରେ ପୂର୍ତ୍ତ ବିଭାଗ ପକ୍ଷରୁ ଜିଲାରେ କାର୍ଯ୍ୟକାରୀ ହେଉଥିବା ବିଭିନ୍ନ ପ୍ରକଳ୍ପର ଅଗ୍ରଗତି ନେଇ ସମୀକ୍ଷା କରାଯିବା ସହ କିଛି ନୂଆ ଗୁରୁତ୍ୱପୂର୍ଣ୍ଣ ପ୍ରକଳ୍ପ ସମ୍ପର୍କରେ ଆଲୋଚନା ହୋଇଥିଲା ା
ବଲାଙ୍ଗୀର ସହରର କ୍ରମବର୍ଦ୍ଧିଷ୍ଣୁ ଜନସଂଖ୍ୟା ଓ ଟ୍ରାଫିକ ସମସ୍ୟାକୁ ଆଖି ଆଗରେ ରଖି ଖୁବ୍ ଶୀଘ୍ର ସହର ମଧ୍ୟରେ ଏକ ଫ୍ଲାଏଓଭର ନିର୍ମାଣ କରିବା ପାଇଁ ବିଧାୟକ ମିଶ୍ର ପ୍ରସ୍ତାବ ରଖିଥିଲେ ା ଏହି ଫ୍ଲାଏଓଭର ସୁଦପଡା ରାସ୍ତାରୁ ସମଲେଶ୍ୱରୀ ମନ୍ଦିର, ସରକାରୀ ବସଷ୍ଟାଣ୍ଡ, ଭାଗରଥି ଛକଦେଇ ଜିଲାପାଳ ବାସଭବନ ପର୍ଯ୍ୟନ୍ତ ଯିବ ଆଲୋଚନା ହୋଇଥିଲା ା ଏହା ହେଲେ ସହର ଭିତରେ ଟ୍ରାଫିକ୍ ସମସ୍ୟାର ଅନେକାଂଶରେ ସମାଧାନ ହୋଇପାରିବ ବୋଲି ଆଲୋଚନା ହୋଇଥିଲା ା ଭାରିଯାନଗୁଡିକ ପ୍ଳାଇଓଭର ମଧ୍ୟଦେଇ ଯାଇପାରିବ ା ଏହି ପ୍ରସ୍ତାବ ଉପରେ ବିଭାଗୀୟ ମନ୍ତ୍ରୀ ମଲ୍ଲିକ, ଜିଲାପାଳ, ଉପଜିଲାପାଳ ଏବଂ ବିଭାଗୀୟ ଅଧିକାରୀମାନେ ସହମତ ପ୍ରକାଶ କରିଥିଲେ ା ଖୁବ୍ଶୀଘ୍ର ଏହା ଉପରେ ସବିଶେଷ ପ୍ରକଳ୍ପ ରିପୋର୍ଟ ପ୍ରସ୍ତୁତ କରି ସରକାରଙ୍କ ପାଖକୁ ପଠାଯିବ ବୋଲି ନିଷ୍ପତ୍ତି ହୋଇଥିଲା ା ବଲାଙ୍ଗୀର ସହର ମଧ୍ୟସ୍ଥଳରେ ଜିଲାପାଳ ଅଫିସ ରହିଥିତ୍ବାରୁ ଏଠାରେ ମଧ୍ୟ ଭିଡ ବଢୁଛି ା ଏଣୁ ଉପଯୁକ୍ତ ସ୍ଥାନକୁ ଜିଲାପାଳ ଅଫିସ ସ୍ଥାନାନ୍ତରଣ ନେଇ ମଧ୍ୟ ବିଧାୟକ ପ୍ରସ୍ତାବ ଦେଇଥିଲେ ା ସହରର ଉପଯୁକ୍ତ ସ୍ଥାନରେ ମିନି ସଚିବାଳୟ ଢ଼ାଞ୍ଚାରେ ଗୋଟିଏ ପରିସରରେ ସମସ୍ତ ଜିଲାସ୍ତରୀୟ ସମସ୍ତ ଅଫିସ ରଖାଯିବା ବ୍ୟବସ୍ଥା କରାଯିବା ନେଇ ପ୍ରସ୍ତାବ ରଖିଥିଲେ ା ଖୁବ୍ଶୀଘ୍ର ମିନି ସଚିବାଳୟ ତିଆରି ପାଇଁ ସ୍ଥାନ ନିରୂପଣ କରି ଏନେଇ ମଧ୍ୟ ଏକ ରିପୋର୍ଟ ପ୍ରସ୍ତୁତ କରିବାକୁ ମନ୍ତ୍ରୀ ମଲ୍ଲିକ ନିର୍ଦ୍ଦେଶ ଦେଇଥିବା ଜଣାପଡିଛି ା ରାଜେନ୍ଦ୍ର ବିଶ୍ୱବିଦ୍ୟାଳୟ ପାଇଁ ଆବଶ୍ୟକ ଜମି ଉପରେ ବୈଠକରେ ବିଶେଷ ଆଲୋଚନା ହୋଇଥିଲା ା ଏହା ସହିତ ଟିଟିଲାଗଡଠାରେ ନିର୍ମାଣଧୀନ ଫ୍ଲାଏ ଓଭର ଶୀଘ୍ର ଶେଷ କରିବା ନେଇ ମନ୍ତ୍ରୀ ସାହୁ ବିଭାଗୀୟ ଅଧିକାରୀମାନଙ୍କୁ ନିର୍ଦ୍ଦେଶ ଦେଇଥିଲେ ା ଏହାସହ ଟିଟିଲାଗଡ ଅଞ୍ଚଳରେ ଜାତୀୟ ରାଜପଥ ନିର୍ମାଣ କାମର ସବିଶେଷ ରିପୋର୍ଟ ମଧ୍ୟ ମାଗିଥିଲେ ା ବଲାଙ୍ଗୀରଠାରେ ଏକ ଟ୍ରକ ଟର୍ମିନାଲ ନିର୍ମାଣ ପାଇଁ ଖୁବ୍ଶୀଘ୍ର ସ୍ଥାନ ନିରୂପଣ କରାଯିବ ବୋଲି ଜିଲାପାଳ ଉପସ୍ଥିତ ମନ୍ତ୍ରୀ ଓ ବିଧାୟକଙ୍କୁ ପ୍ରତିଶ୍ରୁତି ଦେଇଥିଲେ ା ଟ୍ରାଫିକ ସମସ୍ୟାର ସମାଧାନ ପାଇଁ ବିଭିନ୍ନ ଜାଗାରେ ପାର୍କିଂ ଜୋନ ଏବଂ ସାପ୍ତାହିକ ବଜାର ତିଆରି ଓ ଅନ୍ୟ ଏକ ସ୍ଥାନରେ ଦୈନିକ ବଜାର ନିର୍ମାଣ କାମକୁ ଶୀଘ୍ର ଆରମ୍ଭ କରିବା ପାଇଁ ବିଭାଗୀୟ ଅଧିକାରୀମାନଙ୍କୁ ମନ୍ତ୍ରୀ ନିର୍ଦ୍ଦେଶ ଦେଇଥିବା ଜଣାପଡିଛି ା ବଲାଙ୍ଗୀର ଓ ଟିଟିଲାଗଡ ସହରର ବିଭିନ୍ନ ରାସ୍ତାଘାଟ, ଡ୍ରେନ ସମସ୍ୟା ଉପରେ ବୈଠକରେ ଆଲୋଚନା ହୋଇଥିଲା ା ବହୁ ପ୍ରତୀକ୍ଷିତ ବଲାଙ୍ଗୀର ବାଏପାସ ରାସ୍ତା କାମ ପାଇଁ ଜମି ଅଧିଗ୍ରହଣ ଖୁବ୍ ଶୀଘ୍ର ଆରମ୍ଭ ହେବ। ଏଥିସକାଶେ ଆବଶ୍ୟକ ଜମି ଅଧିଗ୍ରହଣ ପାଇଁ ମନ୍ତ୍ରଣାଳୟ ମଞ୍ଜୁରୀ ଗତ ୧୭ ତାରିଖରୁ ମିଳିସାରିଛି ବୋଲି ଉପସ୍ଥିତ ଜାତୀୟ ରାଜପଥ ଅଧିକାରୀ ସୂଚନା ଦେଇଥିଲେ ା ଜାତୀୟ ରାଜପଥର ବିଭିନ୍ନ ସ୍ଥାନରେ ରାସ୍ତା ମରାମତି କାମ କିପରି ଚାଲିଛି ସେ ଉପରେ ମଧ୍ୟ ଆଲୋଚନା ହୋଇଥିଲା ା