ବଲାଙ୍ଗୀର ଅଫିସ, ୧୩।୧:
ଜିଲା ଲେଖକ ପରିଷଦ ପକ୍ଷରୁ ଆୟୋଜିତ ବଲାଙ୍ଗୀର ବହିହାଟ ଚତୁର୍ଥ ଦିନ ଅପରାହ୍ନରୁ ବହୁଭାଷୀ କବିତା ଆସର ଅନୁଷ୍ଠିତ ହୋଇଥିଲା। ପରିଷଦ ସଭାପତି ମଳୟ ମିଶ୍ରଙ୍କ ସଭାପତିତ୍ୱରେ ଅନୁଷ୍ଠିତ କବିତା ଆସରରେ ମୁଖ୍ୟଅତିଥି ଭାବେ କବି ଭାଗୀରଥି ମିଶ୍ର ଯୋଗ ଦେଇଥିଲେ ା କବିତାର ସ୍ବର ଓ ସମ୍ଭାବନାକୁ ନେଇ ସେ ମତବ୍ୟକ୍ତ କରିଥିଲେ। ପରିଷଦ ଯୁଗ୍ମ ସମ୍ପାଦକ ଅରବିନ୍ଦ ବାଗ ସ୍ବାଗତ ଭାଷଣ ଦେଇଥିଲେ। ପରେ ବହୁଭାଷୀ କବିତା ଆସର ଆରମ୍ଭ ହୋଇଥିଲା ା ଦିଲୀପ ମିଶ୍ର, ରାଜମାଣି ସାହୁ, ଚନ୍ଦ୍ରବତୀ ପାଣ୍ଡେ, କସ୍ତୁରୀ ରଥ, ସଞ୍ଜୁକ୍ତା ପରିଚ୍ଛା, ଅନୁପ୍ରିୟା ମିଶ୍ର, ସବିତା ମାହାର, ଲିଲି ପଟେଲଙ୍କ ସଂଯୋଜନାରେ ଶତାଧିକ କବିୟତ୍ରୀ, କବି କବିତା ପାଠ କରିଥିଲେ। କବିମାନେ କବିତାର ଭାଷା ଓ ଭାବ ଭିତରେ ଦୀର୍ଘ ସମୟ ଧରି ମଜ୍ଜି ଯାଇଥିଲେ। ବହୁ ଦୂରଦୂରାନ୍ତରରୁ ଆସିଥିବା କବୟିତ୍ରୀ, କବିମାନେ ନିଜସ୍ବ କବିତା ମାଧ୍ୟମରେ ଭାବବ୍ୟକ୍ତ କରିଥିଲେ। ସଭାପତିୟ ଭାଷଣରେ ମିଶ୍ର କବିତା ଏକ ଆନ୍ଦୋଳନ ବୋଲି କହିଥିଲେ ା