ପଶ୍ଚିମବଙ୍ଗର ରାନାଘାଟ ରେଳ ଷ୍ଟେଶନରେ ଗୀତ ଗାଇ ସୋସିଆଲ ମିଡିଆରେ ଷ୍ଟାର୍ ପାଲଟିଥିବା ରାନୁ ମଣ୍ଡଳ ବଲିଉଡ୍ରେ ଏଣ୍ଟ୍ରି ମାରିଛନ୍ତି। ବଲିଉଡ୍ ଗାୟକ ହିମେଶ୍ ରେଶମିୟାଙ୍କ ସହ ଗୀତ ଗାଇଛନ୍ତି। ଏହି ଗୀତ ରେକର୍ଡିଂ ବେଳର ଭିଡିଓ ହିମେଶ ନିଜ ଇନ୍ଷ୍ଟାଗ୍ରାମରେ ଶେୟାର କରିଛନ୍ତି। ହିମେଶଙ୍କ ଆଗାମୀ ଫିଲ୍ମ ‘ହାପି ହାର୍ଡି ହିର୍’ର ତେରି ମେରି କାହାଣୀ ଗୀତଟିକୁ ରାନୁ ଗାଇଛନ୍ତି। ଏହାସହ ହିମେଶ କହିଛନ୍ତି, ସକାରାତ୍ମକ ଚିନ୍ତାଧାରା ନେଇ ଆଗକୁ ବଢ଼ିଲେ ସଫଳତା ନିଶ୍ଚିତ, ଯାହାର ଉଦାହରଣ ରାନୁ ମଣ୍ଡଳ। ସମସ୍ତଙ୍କ ଆଶୀର୍ବାଦ ରହିଲେ ସେ ଆହୁରି ଆଗକୁ ବଢ଼ିପାରିବେ ବୋଲି ହିମେଶ କହିଛନ୍ତି। ରାନୁଙ୍କ ଭାଇରାଲ୍ ଗୀତଟି ଦେଖିବା ପରେ ତାଙ୍କୁ ଆଗାମୀ ଫିଲ୍ମରେ ନେବା କଥା ସେ ଚିନ୍ତା କରିଥିଲେ। ଶେଷରେ ତାହା ପୂରଣ ହୋଇଛି। ଆଶା କରୁଛି, ରାନୁଙ୍କ ସ୍ବରରେ ଏହି ଗୀତଟି ସମସ୍ତଙ୍କୁ ପସନ୍ଦ ଆସିବ ବୋଲି ହିମେଶ କହିଛନ୍ତି।