ମୁମ୍ବାଇ: ଦିନକ ପରେ ଆସୁଛି ରଙ୍ଗର ପର୍ବ ହୋଲି। ହୋଲି ସହ ବଲିଉଡ୍ର ବିଶେଷ ସଂଯୋଗ ରହିଛି। ଅତୀତରେ ହୋଲିକୁ ନେଇ କିଛି ଗୀତ ସୁପର ଡୁପର ହୋଇଛି। ଆଜି ବି ଏହି ଗୀତଗୁଡ଼ିକର କ୍ରେଜ୍ କମିନାହିଁ। ହୋଲି ପୂର୍ବରୁ ଏପରି ଗୀତଗୁଡ଼ିକର ଏକ ପ୍ଲେ ଲିଷ୍ଟ ପ୍ରସ୍ତୁତ କରନ୍ତି ଲୋକେ। ଜାଣନ୍ତି କି ହୋଲିକୁ ନେଇ ଏପରି ଅନେକ ଗୀତ ଅଛି, ଯେଉଁ ଗୀତ ସବୁଠାରୁ ଅଧିକ ରୋଜଗାର କରିଛି। ଯଦି ନା, ତେବେ ଜାଣନ୍ତୁ ଏହି ଗୀତ ସମ୍ପର୍କରେ…
ସେଥିମଧ୍ୟରୁ ୨୦୧୩ରେ ରଣବୀର କପୁର ଏବଂ ଦୀପିକା ପାଦୁକୋନଙ୍କ ଅଭିନୀତ ଫିଲ୍ମ ‘ୟେ ଯଓ୍ବାନୀ, ହୈ ଦିବାନୀ’ ହେଉ ଅନ୍ୟତମ। ଫିଲ୍ମଟି ସେତେବେଳେ ବକ୍ସ ଅଫିସରେ ବହୁତ ହିଟ୍ ହୋଇଥିଲା। ଏହି ଫିଲ୍ମ ୩୧୦ କୋଟି ରୋଜଗାର କରି ସମସ୍ତ ହୋଲି ଗୀତର ରେକର୍ଡ ଭାଙ୍ଗିଥିଲା। ଫିଲ୍ମର ଗୀତ ‘ବଲମ ପିଚ୍କରୀ’ ଗୀତ ଏତେ ହିଟ୍ ହୋଇଥିଲା ଯେ, ଲୋକମାନେ ଏହି ଗୀତରେ ଜୋରଦାର ଡ୍ୟାନ୍ସ କରିଥିଲେ। ଆଜି ବି ଏହି ଗୀତର ଚାହିଦା ରହିଛି। ହୋଲି ଆସିଲେ ଲୋକେ ଏହି ଗୀତରେ ଡ୍ୟାନ୍ସ କରିବାକୁ ବାଛିଥାନ୍ତି।