ମୁମ୍ବାଇ: ବଲିଉଡ୍ର ଅନ୍ୟ ନାମୀଦାମୀ ଅଭିନେତ୍ରୀ ଅଭିନେତାଙ୍କୁ ବ୍ରାଣ୍ଡ୍ ଭାଲ୍ୟୁରେ ପଛରେ ପକାଇ ଦେଇଛନ୍ତି ଅକ୍ଷୟ କୁମାର। ବର୍ଷକ ମଧ୍ୟରେ ତାଙ୍କର ବ୍ରାଣ୍ଡ୍ ଭାଲ୍ୟୁ ୫୫.୩ ପ୍ରତିଶତ ବୃଦ୍ଧିପାଇଛି। ବୁଧବାର ଗ୍ଲୋବାଲ ଆଡ୍ଭାଇଜରୀ ଫାର୍ମ ଡଫ୍ ଆଣ୍ଡ୍ ଫେଲ୍ପସ ଦ୍ୱାରା ଜାରି କରାଯାଇଥିବା ସୂଚନାରୁ ଅକ୍ଷୟଙ୍କ ନାମ ଦ୍ୱିତୀୟ ସ୍ଥାନରେ ରହିଛି। ତାଙ୍କର ବ୍ରାଣ୍ଡ୍ ଭାଲ୍ୟୁ ବର୍ଷକୁ ୧୦୪ ମିଲିୟନ ଡଲାର ଅର୍ଥାତ୍ ଭାରତୀୟ ମୁଦ୍ରାରେ ୭୪୪ କୋଟି। ଯାହା ବଲିଉଡ୍ରେ ସବୁଠୁ ଅଧିକ। ଏହି ତାଲିକାର ସର୍ବାଗ୍ରେ କ୍ରିକେଟର୍ ବିରାଟ କୋହଲିଙ୍କ ନାମ ଥିବା ବେଳେ ଦ୍ୱିତୀୟରେ ଅକ୍ଷୟ କୁମାର ଅଛନ୍ତି। ଟପ୍ ୨୦ ତାଲିକାରେ ବଲିଉଡ୍ର ୧୬ ଜଣଙ୍କ ନାମ ରହିଥିବା ବେଳେ ୪ କ୍ରିକେଟ୍ ଖେଳାଳିଙ୍କ ନାମ ସାମିଲ ଅଛି। ସେହିପରି ଶାହାରୁଖଙ୍କ ସ୍ଥାନ ୫ରେ ଥିବା ବେଳେ ୬ଷ୍ଠରେ ରହିଛନ୍ତି ସଲ୍ମାନ। ଦୀପିକା ପାଦୁକୋନ୍ ତୃତୀୟରେ ଥିବା ବେଳେ ଆଲିଆ ଭଟ୍ଟ ସପ୍ତମରେ ରହିଛନ୍ତି। ଅଷ୍ଟମରେ ରହିଛନ୍ତି ବିଗ୍-ବି ଏବଂ ୧୬ତମ ସ୍ଥାନରେ ଅଛନ୍ତି ଅମିର ଖାଁ।
