ମୁମ୍ବାଇ: ବଲିଉଡ୍ ତଥା ହଲିଉଡ୍ରେ ନିଜର ସ୍ବତନ୍ତ୍ର ପରିଚୟ ସୃଷ୍ଟି କରିଥିବା ବଲିଉଡ୍ ଦେଶୀ ଗର୍ଲ ପ୍ରିୟଙ୍କା ଚୋପ୍ରା ଏବେ ଏମିତି ଏକ ପୋଷ୍ଟ କରିଛନ୍ତି ଯାହା ଆସିଛି ଚର୍ଚ୍ଚାର ପରିସରକୁ। ସୋସିଆଲ ମିଡିଆରେ ଆକ୍ଟିଭ ରହୁଥିବା ପ୍ରିୟଙ୍କା ସବୁବେଳେ ପତି ନିକ୍ ଜୋନସଙ୍କ ସହ ଫଟୋ ଶେୟାର କରୁଥିବା ବେଳେ ଏଥର କିନ୍ତୁ ତାଙ୍କ ସହ ଅଛନ୍ତି ଭାଇ ସିଦ୍ଧାର୍ଥ ଚୋପ୍ରା। ସୋନାକ୍ଷି ସିହ୍ନା ଓ ବରୁଣ ଶର୍ମାଙ୍କ ଅଭିନୀତ ଫିଲ୍ମ ‘ଖାନଦାନି ଶଫାଖାନା’ର ଏକ ଭିଡିଓ ଶେୟାର କରି ସେ ଏଥିରେ ତାଙ୍କ ଭାଇଙ୍କ କାମକୁ ବେଶ୍ ପ୍ରଶଂସା କରିଛନ୍ତି। ଏଥିରୁ ସ୍ପଷ୍ଟ ହେଉଛି କି ପିସିଙ୍କ ଭାଇ ସିଦ୍ଧାର୍ଥ ବଲିଉଡ୍ରେ କାମ କରିଛନ୍ତି। ହେଲେ ଅଭିନେତା କି ପ୍ରଯୋଜକ କେଉଁ ଦିଗରେ ସିଦ୍ଧାର୍ଥ ଗତି କରିଛନ୍ତି ତାହା ପିସି ସ୍ପଷ୍ଟ କରି ନାହାଁନ୍ତି। ସେ ଯାହା ବି ହେଉ ପିସିଙ୍କ ଭାଇ ସିଦ୍ଧାର୍ଥ ଯେ ବଲିଉଡ୍ ଏଣ୍ଟ୍ରି କରୁଛନ୍ତି ଏହା ଏକ ପ୍ରକାର ସ୍ପଷ୍ଟ ହୋଇଛି।
