ମୁମ୍ବାଇ: ଗତବର୍ଷ ଓ ଚଳିତ ବର୍ଷ ବଲିଉଡ୍ରେ କେତେଜଣ ଷ୍ଟାର କିଡ୍ସ ଡେବ୍ୟୁ କରିଥିବା ବେଳେ ଏବେ ଏହି କ୍ରମରେ ସାମିଲ ହେବାକୁ ଯାଉଛନ୍ତି ବଲିଉଡ୍ ନାୟିକା ସୁସ୍ମିତା ସେନ୍ଙ୍କ ବଡ ଝି ରିନି । ଚଳିତ ବର୍ଷ ସେ ଫିଲ୍ମ ‘ସୁଟ୍ଟାବାଜି’ ମାଧ୍ୟମରେ ବଲିଉଡ୍ରେ ଡେବ୍ୟୁ କରିବେ ବୋଲି ଜଣାପଡିଛି । ଏବେ ଏହାର କିଛି ଭାଗ ଶୁଟିଂ ଆରମ୍ଭ ହୋଇଯାଇଥିବା ବେଳେ ଏହାର କିଛି ଫଟୋ ଏବେ ସୋସିଆଲ ମିଡିଆରେ ଦେଖିବାକୁ ମିଳିଛି । ଫିଲ୍ମର କାହାଣୀ କରୋନା ଭାଇରସ ସମୟରେ ଚାଲିଥିବା ଲକ୍ଡାଉନ ବେଳେ ପରିବାର ମଧ୍ୟରେ ଗଢିଉଠିଥିବା ବନ୍ଧନ ଉପରେ ଆଧାରିତ ବୋଲି କୁହାଯାଉଛି । କବିର ଖୁରାନା ଏହାର ନିର୍ଦ୍ଦେଶନା ଦେଉଥିବା ବେଳେ ରିନିଙ୍କ ବ୍ୟତୀତ ଏଥିରେ କୋମଳ ଛାବାଡିଆ ଓ ରାହୁଲ ବୋହରାଙ୍କୁ ରିନିଙ୍କ ଅଭିଭାବକ ଭୂମିକାରେ ଦେଖିବାକୁ ମିଳିବ । ଏହା ଡିଜିଟାଲ ପ୍ଲାଟଫର୍ମରେ ରିଲିଜ ହେବ ବୋଲି ଜଣାପଡିଛି । ପୂର୍ବରୁ କେତେଥର କିଛି ସାକ୍ଷାତ୍ କାରରେ ସୁସ୍ମିତା କହିଛନ୍ତି ଯେ ତାଙ୍କ ବଡ ଝିଅ ରିନିର ଅଭିନୟରେ ରୁଚି ରହିଛି । ଏହାସହ ସେ ଜଣେ ଭଲ ଗାୟିକା ମଧ୍ୟ । ତେଣୁ ଅନୁମାନ କରାଯାଉଛି କି ରିନି ତାଙ୍କ ଡେବ୍ୟୁ ଫିଲ୍ମରେ ଅଭିନୟ ସହ ଗୀତ ମଧ୍ୟ ଗାଇ ପାରନ୍ତି ।