ଜୟପୁର,୨୭।୭: ରାଜସ୍ଥାନ ଜୟପୁରରୁ ଚିତ୍ରକୁଟ ଯିବାଲାଗି ଜଣେ ୨୧ ବର୍ଷୀୟା ଯୁବତୀ ଓଲା କ୍ୟାବ ବୁକ୍ କରିଥିଲେ। ସେ ଟ୍ୟାକ୍ସିରେ ବସିବାକୁ ଯିବା ସମୟରେ ପୁର୍ବରୁ ସେଥିରେ ଡ୍ରାଇଭରଙ୍କ ଜଣେ ସାଙ୍ଗ ବସିଥିବା ବେଳେ ସେ ଯୁବତୀଙ୍କୁ ଏକ ନକଲି ପିସ୍ତଲ ଦେଖାଇ ବଳାତ୍କାର କରିବାକୁ ଚେଷ୍ଟା କରିଥିଲେ। ହେଲେ ଉପସ୍ଥିତ ବୁଦ୍ଧି ପ୍ରୟୋଗ କରି ଯୁବତୀ ଜଣଙ୍କ ବଳାତ୍କାରୀଙ୍କ ଜିଭକୁ ଦାନ୍ତରେ କାମୁଡିି ଛିଡାଇ ଦେବା ସହ ସେଠାରୁ ପଳାଇଯିବାକୁ ସକ୍ଷମ ହୋଇଥିଲେ। ଏହାପରେ ସେ ଘଟଣା ସମ୍ପର୍କରେ ପୋଲିସକୁ ଜଣାଇବାରୁ ପୋଲିସ ତୁରନ୍ତ ନିକଟସ୍ଥ ହସ୍ପିଟାଲରେ ପହଞ୍ଚି ସେଠାକୁ ଚିକିତ୍ସା ଲାଗି ଯାଇଥିବା ବଳାତ୍କାରୀ ଓ ଓଲା କ୍ୟାବ ଡ୍ରାଇଭରଙ୍କୁ ଗିରଫ କରିଥିବା ଜଣାପଡିଛି। ସୂଚନାଯୋଗ୍ୟ, ଗୁରୁବାର ବିଳମ୍ବିତ ରାତିରେ ଯୁବତୀ ଜଣଙ୍କ ଏକ ଜନ୍ମଦିନ ଉତ୍ସବରେ ଯୋଗ ଦେଇ ଘରକୁ ଫେରିବା ଲାଗି ଓଲା କ୍ୟାବ ବୁକ୍ କରିଥିଲେ।
