ବାରାଣସୀ,୨୩ା୬(ପି.ଟି.): ବଳାତ୍କାର ଅଭିଯୁକ୍ତ ବିଏସ୍ପିର ନବନିର୍ବାଚିତ ଏମ୍ପି ଅତୁଲ ରାଏ ଶନିବାର ଉତ୍ତରପ୍ରଦେଶର ବାରାଣସୀସ୍ଥିତ ଏକ କୋର୍ଟରେ ଆତ୍ମସମର୍ପଣ କରିଛନ୍ତି। ଜୁଡିସିଆଲ୍ ମାଜିଷ୍ଟ୍ରେଟ୍ ତାଙ୍କୁ ୧୪ ଦିନିଆ ବିଚାର ବିଭାଗୀୟ ହାଜତକୁ ପଠାଇଦେଇଛନ୍ତି।
ଘୋସି ଏମ୍ପି ଅତୁଲ ଜଣେ କଲେଜ ଛାତ୍ରୀଙ୍କ ତାଙ୍କ ସ୍ତ୍ରୀଙ୍କ ସହ ଭେଟ କରାଇବା ବାହାନାରେ ଘରକୁ ନେଇ ବଳାତ୍କାର କରିଥିଲେ। ଏନେଇ ପୀଡ଼ିତା ଛାତ୍ରୀ ମେ ୧ରେ ଅଭିଯୋଗ ଆଣିଥିଲେ। ଏହାକୁ ଅସ୍ବୀକାର କରୁଥିବା ଅତୁଲ ମାମଲା ରୁଜୁହେବା ପରଠୁ ଫେରାର ହୋଇଯିବା ପରେ କୋର୍ଟ ତାଙ୍କୁ ପଳାତକ ଘୋଷଣା କରିଥିଲେ। ମେ ୨୭ରେ ସୁପ୍ରିମକୋର୍ଟ ତାଙ୍କୁ ଗିରଫଦାରିରୁ ସୁରକ୍ଷା ଦେବାକୁ ମନାକରିଦେଇଥିଲେ। ଅତୁଲଙ୍କ ବିରୋଧରେ ଅନ୍ୟ ୧୬ଟି ଆପରାଧିକ ମାମଲା ରହିଛି।