ଭୁବନେଶ୍ୱର,୮।୫(ବ୍ୟୁରୋ): କମିଶନରେଟ ପୋଲିରେ ଲାଗିଛି କଳଙ୍କର ଛିଟା। କ୍ୟାପିଟାଲ ଥାନାର କାର୍ଯ୍ୟରତ ଥିବା ଏସ୍ଆଇ ରାକେଶ ସାମଲ ନାମରେ ଆସିଛି ବଳାତ୍କାର ଅଭିଯୋଗ। ଏପରିକି ପୋଲିସର କ୍ଷମତା ପ୍ରଯୋଗ କରି ଯୁବତୀଙ୍କୁ ବାରମ୍ଭାର ବଳାତ୍କାର କରିବା ଓ ମୁଣ୍ଡରେ ବନ୍ଧୁକ ଲଗାଇ ଗର୍ଭପାତ କରିଥିବା ଯୁବତୀ ଜଣଙ୍କ ମହିଳା ଥାନାରେ ଅଭିଯୋଗ କରିଥିଲେ। ଏହି ଘଟଣା ଗଣମାଧ୍ୟମରେ ଖବର ପ୍ରଚାର ହେବା ପରେ ପୋଲିସ କମିଶନର(ସିପି)ଙ୍କ ନିର୍ଦ୍ଦେଶରେ ଡିସିପି ଅନୁପ ସାହୁ ତଦନ୍ତ ରିପୋର୍ଟ ଦେଖି ଏସ୍ଆଇ ସାମଲଙ୍କୁ ଗୁରୁବାର କାର୍ଯ୍ୟରୁ ନିଲମ୍ବିତ କରିଛନ୍ତି। ଏ ନେଇ ମହିଳା ଥାନାରେ ନଂ. ୨୫/୨୦ ଦଫା ୩୭୬, ୩୧୩, ୫୦୬, ୪୨୦ ମାମଲା ରୁଜୁ ହୋଇଛି। ଶୁକ୍ରବାର ମହିଳା ଥାନା ପୋଲିସ ଯୁବତୀଙ୍କର ଡାକ୍ତରୀ ମାଇନା କରିବା ସିଆରପିସି ୧୬୧ରେ ତାଙ୍କର ବୟାନ ରେକର୍ଡ କରାଯିବ। ଯୁବତୀଙ୍କ ଅଭିଯୋଗକ୍ରମେ, ଏସ୍ଆଇ ରାକେଶ ସାମଲ ଏବଂ ଏସଆଇ ବଳବନ୍ତ ରାୟ ଗାଡି ଚୋରି ର଼୍ୟାକେଟ ସହ ସମ୍ପୃକ୍ତ ଅଛନ୍ତି। ସେମାନେ ଚୋରି ଗାଡ଼ିକୁ ନକଲି କାଗଜପତ୍ର କରି ବିକ୍ରି କରନ୍ତି। ଏପରିକି ପୀଡ଼ିତା ଜଣଙ୍କ କାର କିଣିବା ପାଇଁ ଥାନା ଏସ୍ଆଇ ରାକେଶଙ୍କ ସହ ଯୋଗାଯୋଗ କରିଥିଲେ। ଏପରିକି କାରର ଦାମ ୭ ଲକ୍ଷ ଟଙ୍କା କରିଥିବାବେଳେ ୫ ଲକ୍ଷ ଟଙ୍କା ନେଇଥିଲେ। ଏହି ଟଙ୍କା ଥାନାଅଧିକାରୀ ଏବଂ ବଳବନ୍ତ ରାୟଙ୍କ ସମ୍ମୁଖରେ ଯୁବତୀ ଜଣଙ୍କ ଦେଇଥିବା କହିଛନ୍ତି। ହେଲେ ଟଙ୍କା ନେବା ପରେ ସେ କାର ଦେଇ ନ ଥିଲେ। ବରଂ ଯୁବତୀଙ୍କୁ ଘରକୁ ଯାଇ ବିବାହ ପାଇଁ ପ୍ରତିଶୁତି ବଳାକତ୍ାର କରିଥିଲେ। ପରେ ତାଙ୍କ ମୁଣ୍ଡରେ ବନ୍ଧୁକ ଲଗାଇ ଗର୍ଭପାତ କରାଇଥିଲେ। ଏ ନେଇ ସେ ମହିଳା ଥାନାରେ ଅଭିଯୋଗ କରିଥିଲେ ମଧ୍ୟ କେହି ଶୁଣି ନ ଥିଲେ। ଶେଷରେ ପରେ ସିପି ସୁଧାଂଶୁ ଷଢଙ୍ଗୀ ଏ ବିଷୟରେ ଜାଣି ଡିସିପିଙ୍କୁ ତଦନ୍ତ ପାଇଁ ନିର୍ଦ୍ଦେଶ ଦେଇଥିଲେ।