ଖଇରା, ୨୪।୪(ଡି.ଏନ.ଏ.)-ବାଲେଶ୍ୱର ଜିଲା ଖଇରା ବ୍ଲକରେ ଖାଦ୍ୟ ସୁରକ୍ଷା ଯୋଜନାରେ ଖାଉଟି ସାମଗ୍ରୀ ବଣ୍ଟନ ଦାୟିତ୍ୱରେ ଥିବା ସମସ୍ତ ଡିଲରଙ୍କ ଏକ ବୈଠକ ସୋମବାର ଖଇରା ବ୍ଲକ ପରିସରରେ ଅନୁଷ୍ଠିତ ହୋଇଯାଇଛି। ବିଡିଓ ଦେବେନ୍ଦ୍ର ପ୍ରସାଦ ବଳ ଏଥିରେ ପୌରୋହିତ୍ୟ କରିଥିଲେ ା ବ୍ଲକ ଯୋଗାଣ ବିଭାଗ ଅଧିକାରୀ ନିରଞ୍ଜନ ସାହୁ ଓ ଅନ୍ୟ ଅଧିକାରୀଙ୍କ ଉପସ୍ଥିତିରେ ୩ମାସ ପାଇଁ ଅଗ୍ରୀମ ଭାବେ ଦିଆଯାଇଥିବା ଖାଉଟି ସାମଗ୍ରୀ ବଣ୍ଟନ ଉପରେ ଆଲୋଚନା କରାଯାଇଥିଲା। ଏଥିସହ ରାଶନକାର୍ଡଧାରୀଙ୍କ ପାଇଁ ବ୍ୟବସ୍ଥା ହୋଇଥିବା ଆଉ ୩ ମାସର ରିଲିଫ ସାମଗ୍ରୀ କିଭଳି ସୁଚାରୁ ରୂପେ ବଣ୍ଟନ ହୋଇପାରିବ ସେ ସମ୍ପର୍କରେ ଆଲୋଚନା କରାଯାଇଥିଲା ା ଚାଉଳ ବସ୍ତାରେ ବସ୍ତା ଓଜନକୁ ଛାଡି ୫୦ କିଲୋ ଗ୍ରାମ ଚାଉଳ ରହିବାର ନିୟମ ରହିଛି। ଏବେ ବସ୍ତାକୁ ମିଶାଇ ୫୦ କିଲୋ ଚାଉଳ ଆସୁଥିବା ଅର୍ଥାତ ନେଟ୍ ଓଜନରେ ୬୫୦ଗ୍ରାମ ଚାଉଳ କମ୍ ରହୁଥିବା ଏବଂ ପରିବହନ ଖର୍ଚ୍ଚ ଡିଲରମାନଙ୍କଠାରୁ ଆଦାୟ କରାଯାଉଥିବା ସମ୍ପର୍କରେ କେତେକ ଡିଲର ବିଡିଓଙ୍କ ଦୃଷ୍ଟି ଆକର୍ଷଣ କରିଥିଲେ ା ଏଥିରେ ବିଡିଓ ଅସନ୍ତୋଷ ପ୍ରକାଶ କରିବା ସହ ଆଗାମୀ ଦିନରେ ଏହା ଉପରେ କାର୍ଯ୍ୟାନୁଷ୍ଠାନ ନିଆଯିବ ବୋଲି କହିଥିଲେ ା