ରାୟଗଡ଼ା,୪।୧୦: ବସ୍ତି ଉଚ୍ଛେଦକୁ ବିରୋଧ କରି ରାୟଗଡ଼ା ଜିଲା ଝୁପୁଡ଼ି ବସ୍ତିବାସିନ୍ଦା ଶୁକ୍ରବାର ଜିଲାପାଳଙ୍କୁ ଏକ ଦାବିପତ୍ର ପ୍ରଦାନ କରିଛନ୍ତି। ଏ ନେଇ ଏକ ବିରାଟ ଶୋଭାଯାତ୍ରା କୋରାପୁଟ ଛକରୁ ବାହାରି ବ୍ଲକ ଅଫିସ ଦେଇ ଜିଲାପାଳଙ୍କ କାର୍ଯ୍ୟାଳୟରେ ପହଞ୍ଚିଥିଲା। ବସ୍ତିବାସିନ୍ଦାଙ୍କୁ ପଟ୍ଟା ପ୍ରଦାନ, ବସ୍ତି ଉଚ୍ଛେଦ ବନ୍ଦ, ସରକାରୀ ଯୋଜନାନୁସାରେ ଥଇଥାନ ନେଇ ଉକ୍ତ ଦାବିପତ୍ରରେ ଉଲ୍ଲେଖ ରହିଛି। ଜିଲାପାଳଙ୍କ ଅନୁପସ୍ଥିତିରେ ଏଡିଏମ୍ ସୁଧାକର ଶବରଙ୍କୁ ଏହି ଦାବିପତ୍ର ପ୍ରଦାନ କରାଯାଇଥିଲା। ଦୁର୍ଗାପୂଜା ପରେ ଜିଲାପାଳଙ୍କ ସହ ଏ ବିଷୟରେ ଆଲୋଚନା କରି ତୁରନ୍ତ ସମାଧାନ କରାଯିବ ବୋଲି ଏଡିଏମ୍ ଶବର କହିଛନ୍ତି। ଏଥିରେ ୪୬ଟି ବସ୍ତିବାସିନ୍ଦାର ନରେନ୍ଦ୍ର ନାୟକ, ଧନୁରାମ ନାୟକ, ରାମଦାସ ନାୟକ, ବିଶୁ ଖୋସଲା, ପିଲିମୋହନ ଖୁରା, ବୃନ୍ଦାବନ ନାୟକ ପ୍ରମୁଖ ସାମିଲ ଥିଲେ ।