ଭଞ୍ଜନଗର,୧୫।୫(ଡି.ଏନ.ଏ)- ଗୁଜରାଟରୁ ଓଡ଼ିଶାକୁ ଟ୍ରେନ୍ ସେବା ଆରମ୍ଭ ପରେ ବସ୍ ସେବା ବନ୍ଦ ହୋଇଯାଇଥିଲା। କିନ୍ତୁ ଗୁରୁବାର କରସିଙ୍ଗି ଦେଇ ଗଞ୍ଜାମକୁ ଗୋଟିଏ ବସ୍ରେ ଗୁଜରାଟର ବିଭିନ୍ନ ଅଞ୍ଚଳରୁ ୩୮ଜଣ ପ୍ରବାସୀ ଓଡ଼ିଆ ଆସିଛନ୍ତି। ଏହାପରେ ପ୍ରଶାସନ ପକ୍ଷରୁ ସେମାନଙ୍କୁ ବିଭିନ୍ନ କ୍ୱାରାଣ୍ଟାଇନ ସେଣ୍ଟରରେ ରଖାଯାଇଛି। ଅପରପକ୍ଷେ ଟ୍ରେନ୍ରେ ଆସୁଥିବା ପ୍ରବାସୀ ଓଡ଼ିଆଙ୍କୁ ମଧ୍ୟ ସମନ୍ବୟ ଅଭାବରୁ ନିର୍ଦ୍ଦାରିତ ସ୍ଥାନରେ ଠିକ୍ରେ ରଖାଯାଇ ପାରୁନାହିଁ। ଗୁରୁବାର ଟ୍ରେନରେ ଆସିଥିବା ୧୪ ପ୍ରବାସୀ ଓଡ଼ିଆ ଫୁଲବାଣୀ ଯିବାର ଥିଲା। କିନ୍ତୁ ବସ୍ ଆଣି ଭଞ୍ଜନଗରରେ ଛାଡ଼ି ଦେଇଥିଲା। ସେମାନେ ଏଣେତେଣେ ବୁଲୁଥିବାବେଳେ ବିଡ଼ିଓ ଅନିଲ ସେଠୀ ପହଞ୍ଚତ୍ ବିଭିନ୍ନ କ୍ୱାରାଣ୍ଟାଇନ୍ ସେଣ୍ଟରରେ ରଖିଥିଲେ।