ଜେନାପୁର,୧୦।୧୧(ଡି.ଏନ୍.ଏ.): ଯାଜପୁର ଜିଲା ଜେନାପୁର ଅନ୍ତର୍ଗତ ଚଣ୍ଡିଖୋଲ-ଡ଼ୁବୁରୀ ୫୩ ନଂ. ଜାତୀୟ ରାଜପଥ କୁସୁନପୁର ଛକଠାରେ ରବିବାର ସକାଳେ ଏକ ଦୁର୍ଘଟଣା ଘଟିଛି। ଏକ ବସ୍ ଓ ବାଇକ୍ ମୁଁହାମୁହିଁ ହେବାରୁ ବାଇକ୍ ଚାଳକ ଗୁରୁତର ହୋଇଛନ୍ତି। ଗୁରୁତର ଜଣକ କାଦୁଅବୋଉଳିମାଳ ଗ୍ରାମର କାଳିନ୍ଦୀ ସାହୁ (୨୮) ବୋଲି ଜଣାପଡ଼ିଛି।
କାଳିନ୍ଦୀ ଡ଼ୁବୁରୀରୁ ଘରକୁ ଫେରୁଥିବା ବେଳେ କୁସୁନପୁର ଛକ ନିକଟରେ ଚଣ୍ଡିଖୋଲରୁ ଡ଼ୁବୁରୀ ଅଭିମୁଖେ ଯାଉଥିବା ଏକ ବସ୍ ସହ ତାଙ୍କର ମୁହାଁମୁହିଁ ହୋଇଥିଲା। ଗୁରୁତର ଅବସ୍ଥାରେ ତାଙ୍କୁ ଉଦ୍ଧାର କରାଯାଇ ଧର୍ମଶାଳା ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ଭର୍ତ୍ତି କରାଯାଇଛି। ଖବରପାଇ ଜେନାପୁର ଆଇଆଇସି ସୁଶାନ୍ତ କୁମାର ଦାସ ଘଟଣାସ୍ଥଳରେ ପହଞ୍ଚି ତଦନ୍ତ ଚଳାଇଛନ୍ତି।
