ଏବେ ଏକପ୍ରକାର ନିଶା ପାଲଟିଛି ସ୍ମାର୍ଟଫୋନ। କେବଳ ଯୁବପିଢି ନୁହେଁ, ସମସ୍ତଙ୍କୁ ନିଜ ମାୟାରେ ବଶୀଭୂତ କରିଛି ସ୍ମାର୍ଟଯୁଗର ସ୍ମାର୍ଟଫୋନ। ସ୍ମାର୍ଟଫୋନ କେବଳ ଆଖି ଖରାପ କରୁଛି ତା ନୁହେଁ, ଏହା ଯୋଗୁ ଅନେକ ଦୁର୍ଘଟଣା ଘଟୁଛି। ପଶ୍ଚିମବଙ୍ଗରେ ଏମିତି ଏକ ଦୁର୍ଘଟଣା ଘଟିଛି। ବାଇକ୍ ଚଲାଉଥିବାବେଳେ ‘ଫେସ୍ବୁକ୍ ଲାଇଭ୍’ କରି ଜଣେ ୨୪ ବର୍ଷୀୟ ଯୁବକଙ୍କ ଜୀବନ ଯାଇଛି। ପଶ୍ଚିମବଙ୍ଗର ଉତ୍ତର ବର୍ଦ୍ଧମାନ ସହରରେ ରହୁଥିବା ଚଞ୍ଚଲ ଧିବୋର ନାମକ ଏହି ଯୁବକ ଜଣଙ୍କ ବାଇକ୍ରେ ମନ୍ଦିରରୁ ଘରକୁ ଫେରୁଥିବାବେଳେ ଫେସ୍ବୁକ୍ରେ ଲାଇଭ୍ ଭିଡିଓ ପ୍ରସ୍ତୁତ କରୁଥିଲେ। ହଠାତ୍ ନିୟନ୍ତ୍ରଣ ହରାଇ ସେ ତଳେ ଗଳି ପଡିଥିଲେ। ସ୍ଥାନୀୟ ଲୋକେ ତୁରନ୍ତ ତାଙ୍କ ହସ୍ପିଟାଲରେ ନେଇଥିଲେ। ସେଠାରେ ତାଙ୍କର ମୃତ୍ୟୁ ଘଟିଥିଲା।