ଓ୍ବାଇନାଡ୍,୧।୭: କେରଳ ଓ୍ବାଇନାଡ୍ରେ ଘଟିଛି ଏକ ଅଭାବନୀୟ ଘଟଣା। ଏଠାରେ ଥିବା ମୁଥାଙ୍ଗ୍ ଅଭୟାରଣ୍ୟ ନିକଟରେ ଥିବା ରାସ୍ତାରେ ବାଘ ବାଇକ୍ ଚାଳକଙ୍କ ପିଛା କରୁଥିବା ଭିଡ଼ିଓ ଏବେ ସୋସିଆଲ୍ ମିଡ଼ିଆରେ ବେଶ୍ ଭାଇରାଲ ହେବାରେ ଲାଗିଛି। ଏହି ଭିଡ଼ିଓ ଜଙ୍ଗଲ ଏବଂ ବନ୍ୟପ୍ରାଣୀ ସୁରକ୍ଷା ସୋସାଇଟି ପକ୍ଷରୁ ସୋସିଆଲ୍ ମିଡ଼ିଆରେ ଅପ୍ଲୋଡ୍ କରାଯାଇଛି। ଭିଡ଼ିଓରେ ବାଇକ୍ ଚାଳକ ପ୍ରାଣମୂର୍ଛା ଗାଡ଼ି ଚଳାଉଥିବା ଦେଖିବାକୁ ମିଳୁଛି। ଶେଷରେ ବାଘ ବାଇକ୍ ସହ ଦୌଡ଼ରେ ହାର ମାନିଛି।