ମୁମ୍ବାଇ: ଟେଲିଭିଜନ ଦୁନିଆରେ ନିଜର ଏକ ସ୍ବତନ୍ତ୍ର ପରିଚୟ ସୃଷ୍ଟି କରିଥିବା ଅଙ୍କିତା ଲୋଖଣ୍ଡେ ଏବେ ବଲିଉଡ୍ ଦୁନିଆରେ ଦର୍ଶକଙ୍କ ଦୃଷ୍ଟ ଆକର୍ଷଣ କରିଛନ୍ତି। ‘ମଣିକର୍ନିକା’ରେ ଡେବ୍ୟୁ କରିଥିବା ଅଙ୍କିତାଙ୍କର ଦ୍ୱିତୀୟ ଫିଲ୍ମ ‘ବାଗି ୩’ ଏବେ ରିଲିଜ୍ ହୋଇଛି। ଏଥିରେ ଅଙ୍କିତାଙ୍କ ଅଭିନୟ ଦର୍ଶକଙ୍କୁ ପସନ୍ଦ ଆସିଛି ବୋଲି ଶୁଣିବାକୁ ମିଳୁଛି। ଫିଲ୍ମ ରିଲିଜ ହେବାର ଅଳ୍ପ କିଛି ଘଣ୍ଟା ମଧ୍ୟରେ ସେ ସମସ୍ତଙ୍କୁ ଚମକାଇ ଦେଇଛନ୍ତି। ଅଙ୍କିତା ତାଙ୍କର ଏକ ଫଟୋ ସେସିଆଲ ମିଡିଆରେ ଶେୟାର କରିବା ପରେ ନିଜର ଏକ୍ସସାଇଟମେଣ୍ଟ କଥା ଦର୍ଶାଇଛନ୍ତି। ଯାହାକୁ ଦେଖି ପ୍ରଥମେ ଦର୍ଶକେ ଦ୍ୱନ୍ଦ୍ୱରେ ପଡିଯାଇଥିଲେ ସତ। ହେଲେ ଅସଲ ଘଟଣା ହେଲା ଅଙ୍କିତାଙ୍କ ବୋହୂ ବେଶର ଫଟୋ ସମସ୍ତଙ୍କୁ ବେଶ୍ ପସନ୍ଦ ଦେଇଥିଲା ହେଲେ ସେ କାହାପାଇଁ ବଧୂ ବେଶ ଧାରଣ କରିଛନ୍ତି ତାହା ସ୍ପଷ୍ଟ ହୋଇ ନ ଥିଲା। ପ୍ରକୃତରେ ଅଙ୍କିତା ‘ବାଗି ୩’ର ଏକ ଦୃଶ୍ୟରେ ଏହି ଗେଟ୍ଅପ୍ରେ ନଜର ଆସିଥିଲେ। ଏହା ତାଙ୍କର ପୁରୁଣା ଫଟୋ। ଏଥିରେ ସେ ରିତେଶ ଦେଶମୁଖଙ୍କ ଅପୋଜିଟରେ ନଜର ଆସିଛନ୍ତି।