ବଡ଼ସାହି,୧୦ା୬(ସ୍ବ.ପ୍ର)- ମୟୂରଭଞ୍ଜ ଜିଲା ବଡ଼ସାହି ବ୍ଲକ ଅଧୀନ ଗୁଡିଆଲବନ୍ଧ ପଞ୍ଚାୟତ ଗୋବିନ୍ଦପୁର ଗ୍ରାମ ଭିତରକୁ ଏକ କଲରାପତରିଆ ବାଘ ପଶି ଆସିଥିବା ନେଇ ଗ୍ରାମରେ ଆତଙ୍କ ଖେଳି ଯାଇଛି। ମଙ୍ଗଳବାର ରାତି ପ୍ରାୟ ୯ଟା ସମୟରେ ଗାଁକୁ ଫେରୁଥିବା ଜନୈକ ବ୍ୟକ୍ତି ବାଘକୁ ଦେଖି ଭୟଭୀତ ହୋଇ ପଡ଼ିଥିଲେ। ଖବର ପ୍ରଚାରିତ ହେବା ପରେ ଗାଁ ଲୋକେ ବନବିଭାଗକୁ ଖବର ଦେଇଥିଲେ। ବିଭାଗୀୟ ଅଧିକାରୀମାନେ ଘଟଣାସ୍ଥଳରେ ପହଞ୍ଚି ପାଦ ଚିହ୍ନକୁ ଦେଖି ତର୍ଜମା କରୁଛନ୍ତି। ଗୋବିନ୍ଦପୁର ଗ୍ରାମଟି ଶିମିଳିପାଳ ପାଦଦେଶ ନିକଟସ୍ଥ ହୋଇଥିବାରୁ ବାଘଟି ବାଟବଣା ହୋଇ ଗାଁରେ ପଶିଥିବା ନେଇ ଗ୍ରାମବାସୀ ଶୁକୁରା ସିଂ ଓ ବାଇଧର ସିଂ ପ୍ରମୁଖ କହିିଛନ୍ତି। ବାରିପଦା ବନଖଣ୍ଡ ଅଧିକାରୀ ସ୍ବୟମ୍ ମଲ୍ଲିକ ବାଘ ପାଦ ଚିହ୍ନର ତର୍ଜମା କରୁଛନ୍ତି।