କେନ୍ଦ୍ରାପଡ଼ା ଅଫିସ, ୪-୯- ପୌର ନିର୍ବାଚନ ପାଇଁ କୌଣସି ସୂଚନା ମିଳିନାହିଁ ା ତେବେ କେନ୍ଦ୍ରାପଡା ପୌରାଞ୍ଚଳରେ ଏହାର ପଦଧ୍ୱନି ଦେଖିବାକୁ ମିଳିଲାଣି। ସହରାଞ୍ଚଳରେ ପ୍ରତ୍ୟେକ ୱାର୍ଡରେ ଅଫିସ ଖୋଲାଯାଇ ଲୋକଙ୍କ ସମସ୍ୟା ସୁଧାରିବାକୁ ରାଜ୍ୟ ସରକାର ଘୋଷଣା କରିଥିବାବେଳେ ସ୍ଥାନୀୟ ରାଜନେତା ଏହାକୁ ପୌର ନିର୍ବାଚନର ପୂର୍ବାଭାଷ ବୋଲି ଧରିନେଇଛନ୍ତି ା ଏନେଇ ସେମାନେ ପ୍ରସ୍ତୁତି ଆରମ୍ଭ କରିଦେଇଛନ୍ତି। ଗଣପର୍ବ ଗଜଲକ୍ଷ୍ମୀ ପୂଜା ପୂର୍ବରୁ ସହରର ୨୧ ୱାର୍ଡରେ ହେଉଥିବାବେଳେ ଚଳିତ ବର୍ଷ ସର୍ବାଧିକ ୨୩ଟି ସ୍ଥାନରେ ଗଣେଶ ମୂର୍ତ୍ତି ସ୍ଥାପନ କରାଯାଇଛି। ଏହା ଜରିଆରେ ସ୍ଥାନୀୟ ୱାର୍ଡରେ ରାଜନେତାମାନେ ଯୁବବର୍ଗଙ୍କୁ ଆକୃଷ୍ଟ କରିବା ପାଇଁ ଯୋଜନା କରିଛନ୍ତି ା ଚଳିତ ବର୍ଷ ଜିଲାର ଗଣପର୍ବ ଗଜଲକ୍ଷ୍ମୀ ପୂଜାରେ ରାଜନେତାଙ୍କ ସମ୍ପୃକ୍ତି ଅଧିକ ରହିବ ବୋଲି ସ୍ଥାନୀୟ ଲୋକେ ଆଲୋଚନା କରୁଛନ୍ତି ା
ସୂଚନାଯୋଗ୍ୟ, କେନ୍ଦ୍ରାପଡ଼ା ପୌରପରିଷଦ ବୋର୍ଡର କାର୍ଯ୍ୟକାଳ ୨୬ ନଭେମ୍ବର ୨୦୧୬ରୁ ଶେଷ ହୋଇଛି ା ଏହାପରେ ୱାର୍ଡ ସଂରକ୍ଷଣକୁ ନେଇ ମାମଲା କୋର୍ଟକୁ ଯିବା ପରେ ନିର୍ବାଚନ ବନ୍ଦ ରହିଛି ା ଆରକ୍ଷଣ ତାଲିକା ଓ ମହିଳାଙ୍କ ପାଇଁ ୫୦ ପ୍ରତିଶତ ସଂରକ୍ଷଣ ବ୍ୟବସ୍ଥାକୁ ନେଇ ଯେଉଁ ଛକାପଞ୍ଝା ସେତେବେଳେ ଚାଲିଥିଲା, ତାହା ଏବେ ପୁନର୍ବାର ତାଜା ହୋଇଛି ା ୱାର୍ଡ ପୁନର୍ଗଠନ ଓ ଆରକ୍ଷଣ ପାଇଁ ନିର୍ବାଚନରୁ ବାଦ ପଡିବା, ଅଥବା ନିଜ ମନ ମୁତାବକ ଆସନରୁ ଲଢ଼ି ନ ପାରିବା ଯୋଗୁ କିଛି ରାଜନେତା ଆଶଙ୍କା ପ୍ରକଟ କରିଥିବାବେଳେ ସମ୍ଭାବ୍ୟ ପୌର ନିର୍ବାଚନକୁ ନେଇ ଉତ୍ସାହିତ ହୋଇପଡିଛନ୍ତି।
୨୦୧୭ରେ ଏହି ପୌରାଞ୍ଚଳରେ ନିର୍ବାଚନ ପାଇଁ ପ୍ରସ୍ତୁତି ଆରମ୍ଭ ସମୟରେ ତତ୍କାଳୀନ କାଉନସିଲର ମୁକ୍ତାର ଖାନ ୱାର୍ଡ ପୁନର୍ଗଠନ ଓ ଆରକ୍ଷଣକୁ ନେଇ ହାଇକୋର୍ଟରେ ରିଟ୍ ପିଟିସନ କରିଥିଲେ। ଏହାପରେ ହାଇକୋର୍ଟ ଅନ୍ତରୀଣକାଳୀନ ରହିତାଦେଶ ପ୍ରଦାନ କରିଥିଲେ ା ଇତିମଧ୍ୟରେ ବୋର୍ଡ ଭାଙ୍ଗିବା ଅବଧିକୁ ପ୍ରାୟ ୩ ବର୍ଷ ବିତିବାକୁ ବସିଛି ା ପ୍ରଶାସକଙ୍କ ମାଧ୍ୟମରେ ପୌରାଞ୍ଚଳର ଉନ୍ନୟନ କାର୍ଯ୍ୟ ଚାଲିଥିବାବେଳେ ବୋର୍ଡ ଗଠନ ପାଇଁ ପୂର୍ବତନ ପୌରାଧ୍ୟକ୍ଷ ଧୀରେନ କୁମାର ସାହୁ, ପୂର୍ବତନ କାଉନସିଲର ହିରଣ୍ୟ କୁମାର ପଣ୍ଡା, ଶରତ ବେହୁରା ଓ ଜିଲା ଭାଜପା ସଭାପତି ଦୁର୍ଯ୍ୟୋଧନ ସାହୁ ପ୍ରମୁଖ ମତ ଦେଇଛନ୍ତି ା ସେମାନଙ୍କ ମତ ଅନୁଯାୟୀ ବୋର୍ଡ ଗଠନ ପରେ ଏହି ପୌରାଞ୍ଚଳର ବିକାଶକୁ ତ୍ୱରାନ୍ବିତ କରାଯାଇପାରିବ ା ପୌର ନିର୍ବାଚନ ପାଇଁ ସମସ୍ତ ରାଜନୈତିକ ଦଳ ଅପେକ୍ଷା କରିଥିବାବେଳେ କେବେ ତାରିଖ ଘୋଷଣା ହେବ ତାହା ଦେଖବାକୁ ବାକି ରହିଲା ବୋଲି ସ୍ଥାନୀୟ ଯୁବବର୍ଗ ମତ ଦେଇଛନ୍ତି।