ମାଲାପ୍ପୁରମ୍,୭।୬: କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧୀ ଶୁକ୍ରବାର ୩ଦିନିଆ ଓ୍ବାୟନାଡ ସ୍ତରେ ଯିବା ସମୟରେ ମାଲାପ୍ପୁରମ୍ ଜିଲାର ରାସ୍ତା କଡ଼ରେ ଥିବା ଏକ ଦୋକାନରୁ ଚା’ ପିଇବା ପାଇଁ ଅଟକିଥିଲେ। ସେଠାରେ ସେ ତାଙ୍କ ସମର୍ଥକଙ୍କ ସହ ମିଶି ଚା’ ପିଇଥିଲେ। ଅନ୍ୟମାନଙ୍କ ମଧ୍ୟରେ ରାଜ୍ୟର କଂଗ୍ରେସ ନେତା ମୁଲାପାଲି ରାମଚନ୍ଦ୍ରନ୍, ରମେଶ ଚେନିଥାଲା ଓ କେ ସି ଭେନୁଗୋପାଳ ମଧ୍ୟ ରହିଥିଲେ। ସାମାନ୍ୟ ଜଳଖିଆ ସହ ରାହୁଲ ସେଠାରେ ଏକ ଗ୍ଲାସରେ ଚା’ ପିଇଥିଲେ। ସୂଚନାଯୋଗ୍ୟ, ଓ୍ବାୟନାଡ ଆସନ ପାଇଁ ଲୋକ ସଭା ନିର୍ବାଚନରେ ପ୍ରତିଦ୍ୱନ୍ଦିତା କରିଥିବା ରାହୁଲ ନିର୍ବାଚନ ପରେ ସେଠାକାର ଜନ ସାଧାରଣଙ୍କୁ ଧନ୍ୟବାଦ ଦେବାକୁ ୩ ଦିନିଆ ଓ୍ବାୟନାଡ ଗସ୍ତରେ ଶୁକ୍ରବାର ସେଠାରେ ପହଞ୍ଚିଛନ୍ତି।